قومی اسمبلی کے20ویں اسپیکر کے انتخاب کیلئے ووٹنگ جاری -
The news is by your side.

Advertisement

قومی اسمبلی کے20ویں اسپیکر کے انتخاب کیلئے ووٹنگ جاری

اسلام آباد: قومی اسمبلی کے بیس ویں اسپیکرکاانتخاب خفیہ رائے شماری کے ذریعے جاری ہے، مسلم لیگ ن کے سردار ایاز صادق اور پی ٹی آئی کے شفقت محمود کے درمیان مقابلہ ہے.

قومی اسمبلی کا اجلاس قائم مقام اسپیکرجاوید مرتضیٰ عباسی کی زیرصدارت ہوا، اسپیکر نے اراکین کو رائے شماری کے حوالے سے قوانین سے آگاہ کیا۔ خفیہ رائے شماری کے لئے دو بوتھ قائم کئے گئے ہیں ان میں اراکین اردو حروف ابجد کے حساب سے ووٹ ڈال جارہے ہیں۔

وزیراعظم نواز شریف نے ووٹ کاسٹ کرکے رائے شماری کا آغاز کیا، مسلم لیگ ن کے ایاز صادق کو پیپلزپارٹی، ایم کیوایم، جے یو آئی اور جماعت اسلامی کی حمایت حاصل ہے جبکہ شفقت محمود تحریک انصاف کے امیدوار ہیں۔

واضح رہے کہ ایاز صادق این اے 122 سے قومی اسمبلی کے رکن منتخب ہوئے تھے اورالیکشن ٹربیونل کے فیصلے کے تحت انہیں نا اہل قرار دیا تھا تاہم گزشتہ ماہ ہونے والے ضمنی انتخابات میں ایاز صادق تحریک انصاف کے امیدوار علیم خان کو شکست دے کر ایک بار پھر ممبر قومی اسمبلی منتخب ہوگئے.

Comments

comments

یہ بھی پڑھیں