The news is by your side.

وی آئی پی موومنٹ : سڑک دومنٹ سے زیادہ بند نہ کی جائے، سپریم کورٹ

کراچی : شہر قائد میں وی آئی پی موومنٹ کیلئے سڑک صرف دو منٹ کیلئے بند کی جائے گی، عدالتی حکم پر عمل درآمد نہ کرنے والوں کیخلاف سخت کارروائی کا عندیہ دیا گیا ہے۔

تفصیلات کے مطابق سپریم کورٹ کراچی رجسٹری میں وی وی آئی پی موومنٹ کے دوران سڑکوں کی بندش سے متعلق ازخود کیس کی سماعت چیف جسٹس کی سربراہی میں تین رکنی بینچ نے کی۔

سپریم کورٹ نے حکم جاری کیا کہ کسی بھی وی وی آئی پی موومنٹ پر سیکیورٹی خدشات کے باعث اگر سڑک بند کرنا ناگزیر ہے تو وہ سڑک صرف دو منٹ کیلئے بند کی جائے۔

عدالتی حکم میں کہا گیا ہے کہ وی وی آئی پی موومنٹ کے دوران شہریوں کی مشکلات کو کم سے کم کرنے کے لیے مؤثر اقدامات کیے جائیں۔

عدالت عالیہ نے اپنے ازخود نوٹس میں آئی جی سندھ کو حکم دیا ہے کہ وی وی آئی پی موومنٹ کے لیے بلیو بک کا قانون موجود ہے لہٰذا اسی قانون کے تحت اقدامات کیے جائیں اورمتعلقہ حکام باور کرایا جائے کہ اس قانون کی خلاف ورزی نہ ہونے پائے۔

اس موقع پر عدالت نے آئی جی سندھ کو سڑکوں کی بندش کے حوالے سے حلف نامہ جمع کرانے کی ہدایت بھی کی۔ فیصلے میں مزید کہا گیا ہے کہ اگر حکم کی خلاف ورزی کی گئی تو عدالت پھر اس کا سختی سے نوٹس لے گی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔ 

Print Friendly, PDF & Email

Comments

comments

یہ بھی پڑھیں