The news is by your side.

Advertisement

پورا سال محنت کے بعد ورلڈ کپ میں شامل نہ ہونے پر دکھ ہوا، وہاب ریاض کا شکوہ

کرکٹ میں اچھا اور برا وقت آتا رہتا ہے، ٹیم میں جب بھی موقع ملا اچھا پرفارم کروں گا، فاسٹ باﺅلر کی گفتگو

لاہور : پاکستان کرکٹ ٹیم کے فاسٹ باﺅلر وہاب ریاض نے کہا ہے کہ ہر کھلاڑی پورا سال محنت کرتا ہے اور پھر ورلڈ کپ اسکواڈ میں شامل نہ ہونے پر دکھ ہوتا ہے۔

گزشتہ روز فاسٹ بولر وہاب ریاض نے پی سی بی سے شکوہ کیا کہ ہر کھلاڑی پورا سال محنت کرتا ہے اور پھر ورلڈ کپ اسکواڈ میں شامل نہ ہونے پر دکھ ہوتا ہے تاہم ورلڈکپ میں مجھے سلیکٹ نہ کرنے کا سوال سلیکشن کمیٹی سے پوچھا جائے۔

انہوں نے کہا کہ کرکٹ میں اچھا اور برا وقت آتا رہتا ہے، ٹیم میں جب بھی موقع ملا اچھا پرفارم کروں گا۔ وہاب ریاض نے مزید کہا کہ ورلڈکپ کے لیے سب سے مضبوط ٹیم انگلینڈ ہے لیکن پاکستان کے پاس اچھی پرفارمنس دکھانے کا بہترین موقع ہے۔

مزید پڑھیں : مجھے سلیکٹ کیوں نہیں کیا گیا سلیکٹرز اور بورڈ ہی بتا سکتے ہیں، کامران اکمل

اس سے قبل قومی ٹیم کے بلے باز کامران اکمل نے بھی شکوہ کیا تھا کہ میری کرکٹ ختم نہیں ہوئی، سلیکٹرز اور بورڈ ہی بتا سکتے ہیں کہ مجھے ورلڈ کپ کیلئے کیوں سلیکٹ نہیں کیا گیا۔

لاہور میں میڈیا سے گفتگو کرتے ہوئے ان کا کہنا تھا کہ آف سیزن ہے، اپنی ٹریننگ کروں گا، ابھی میری کرکٹ ختم نہیں ہوئی مختلف لیگز کھیل رہا ہوں۔

Comments

comments

یہ بھی پڑھیں