راولپنڈی: زمبابوے کے خلاف پہلے ٹی ٹوینٹی میچ کے دوران امپائر نے قومی ٹیم کے فاسٹ بولر وہاب ریاض کو وارننگ دے دی۔
تفصیلات کے مطابق راولپنڈی میں کھیلے جانے والے پہلے ٹی ٹوینٹی میچ کے دوران امپائر نے فاسٹ بولر وہاب ریاض کو گیند پر تھوک لگانے پر وارننگ دے دی۔
وہاب ریاض بولنگ کے دوران بول گئے تھے کہ کورونا کے پیش نظر گیند پر تھوک لگانا منع ہے۔
پہلے ٹی ٹوینٹی میچ کے گیارہویں اوور سے پہلے امپائر علیم ڈار اور آصف یعقوب نے وہاب کو تنبیہ کی اور وائپس منگوا کر گیند کو صاف کیا۔
واضح رہے کہ اگر وہاب ریاض دوسری مرتبہ بھی یہی غلطی دہراتے تو زمبابوے کو اضافی پانچ رنز مل جاتے، وہاب ریاض نے میچ میں دو وکٹیں حاصل کی تھیں۔
یاد رہے کہ پہلے ٹی ٹوینٹی میچ میں پاکستان نے زمبابوے کو 6 وکٹوں سے باآسانی شکست دی، زمبابوے کی جانب سے دیا جانے والا 157 رنز کا ہدف پاکستان نے 4 وکٹوں کے نقصان پر حاصل کرلیا۔
کپتان بابر اعظم کو 82 رنز کی شاندار اننگز کھیلنے پر مین آف دی میچ کا ایوارڈ دیا گیا۔
