کراچی : اے پی ایم ایس او نے سابق چیئرمین وحید الزماں پر کرپشن کا الزام لگادیا۔
تفصیلات کے مطابق چیئرمین اے پی ایم ایس او سرفراز صدیقی نے کہا ہے کہ پاک سرزمین پارٹی میں شمولیت کرنے والے اے پی ایم ایس او کے سابق چیئرمین وحید الزمان اختیارات کے ناجائز استعمال اورکرپشن میں ملوث تھے۔
یہ بات انہوں نے کراچی پریس کلب میں اے پی ایم ایس او کی مرکزی کابینہ کے ہمراہ پریس کانفرنس سے خطاب کرتے ہوئے کہی۔
سرفراز صدیقی نے کا کہنا تھا کہ وحید الزماں کی کرپشن کے باعث متحدہ قومی موومنٹ نے اے پی ایم ایس او کی پوری کابینہ کو تحلیل کیا تھا۔
ان کا کہنا تھا کہ وحید الزماں جس ٹولے میں گئے ہیں وہاں انہیں رسوائی کے علاوہ کچھ نہیں ملے گا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں