The news is by your side.

حسن نواز کے دفتر کے باہر وال چاکنگ کردی گئی

لندن: حسن نواز کے دفتر کے باہر وال چاکنگ کردی گئی۔

تفصیلات کے مطابق سینٹرل لندن میں ماربل آرچ کے علاقے میں واقع حسن نواز کے دفتر کے باہر وال چاکنگ کردی ہے، جس میں لکھا گیا ہے کہ ‘چور تم عمران خان کو قتل نہیں کرسکتے’۔

دفتر کےباہرکلراسپرے سے یہ چاکنگ کی گئی ہے، فوری طور پر معلوم نہیں ہوسکا کہ اس کے پیچھے کون سے عناصر کارفرما ہیں؟

واضح رہے کہ عمران خان کے خلاف عدم اعتماد کی تحریک کامیاب ہونے کے بعد سے حسن نواز کا دفتر مسلسل مظاہرے کیا جارہے ہیں ۔

یہ بھی پڑھیں:  حسن نواز کے دفتر کے سامنے ’چور چور‘ کے نعرے لگانے والا نوجوان گرفتار

یہ مظاہرے اوورسیز پاکستانیوں اور پی ٹی آئی برطانیہ کی جانب سے کئے جاتے ہیں جہاں وہ اپنا احتجاج ریکارڈ کراتے ہیں۔

تین روز قبل بھی عمران خان پر وزیرآباد میں قاتلانہ حملے کے بعد اوورسیز پاکستانیوں کی جانب سے بہت بڑا مظاہرہ کیا گیا تھا، مظاہرین نے اس موقع پر مسلم لیگ (ن) کے خلاف سخت نعرے بازی بھی کی تھی۔

رواں سال مئی میں حسن نواز کے دفتر کے سامنے چور چور کے نعرے لگانے والے نوجوان کو گرفتار کیا گیا تھا۔

Comments

یہ بھی پڑھیں