تازہ ترین

اپنی جیب سے والٹ نکال کر رکھ دیں!

ہمارا طرزِ زندگی، رہن سہن کا طریقہ اور بعض مخصوص عادات یا اطوار ہماری جسمانی حالت اور صحت پر بھی اثرات مرتب کرتے ہیں۔

اگر عام جسمانی تکالیف، درد وغیرہ کی بات کریں تو اس کی وجہ ہمارے اٹھنے بیٹھے، لیٹنے، چلنے یا بھاگنے دوڑنے کے دوران چند معمولی باتوں کا خیال نہ رکھنا ہوسکتا ہے۔

اسی طرح ہماری کچھ مخصوص عادات اور رہن سہن کا طریقہ بھی ہمیں جسمانی طور پر تکلیف اور اذیت میں مبتلا کرسکتا ہے۔

کیا آپ مختلف وزیٹنگ کارڈز، اپنے شناختی اور اے ٹی ایم کارڈ کے علاوہ کرنسی نوٹوں اور کچھ کاغذات سے بھرا ہوا والٹ اپنی پچھلی جیب میں رکھنے کے عادی ہیں؟

ہمارا جسم ایک حد تک غیر متوازن حالت اور مختلف بے قاعدگیاں برداشت کرسکتا ہے، مگر ایک خاص وقت کے بعد کمر اور اس سے نچلے حصے کی باریک نسوں میں کھنچاؤ کی وجہ سے درد رہنے لگتا ہے جو شدید بے چینی اور مسلسل تکلیف کا باعث بنتا ہے۔

ہم اس جسمانی کیفیت کو عام طور پر wallet sciatica کہتے ہیں۔

یہ طویل عرصے تک بھاری یا موٹا والٹ جیب میں ٹھونس کر گھنٹوں سیٹ پر بیٹھے رہنے یا گاڑی چلانے کی وجہ سے پیدا ہونے والا مسئلہ ہے جس میں کمر کی نسوں پر زور پڑتا ہے۔

یہ تکلیف کمر کے ساتھ آپ کے پیر کے نچلے حصوں تک پھیل سکتی ہے۔ اس سے بچنے کے لیے والٹ کو کام کے دوران اور گاڑی چلاتے وقت جیب سے نکال لیں اور پُرسکون انداز سے اپنا کام کریں۔

Comments

- Advertisement -