امریکا میں 12 فٹ لمبے مگرمچھ نے مصروف شاہراہ پر آکر خوف پھیلا دیا جسے فوجی جوانوں نے آکر وہاں سے باہر نکالا
مگرمچھ اگر چڑیا گھر میں پنجرے میں بند ہو تو دیکھنے والے اسے دیکھ کر محظوظ ہوتے ہیں لیکن جب یہی خونخوار جانور مٹرگشت کرتا کسی سڑک پر نکل آئے تو پھر خوف کا عالم دیکھنے کا ہوتا ہے۔
گزشتہ روز امریکا میں ایک مصروف شاہراہ پر 12 فٹ لمبا مگر مچھ مٹرگشت کرتا نکل آیا جسے دیکھ کر وہاں سے گزرنے والوں کے اوسان ہی خطا ہوگئے۔
ایک ڈرائیور نے ہوش مندی کا مظاہرہ کرتے ہوئے اس کی اطلاع فلوریڈا ہائی وے پر پٹرولنگ عملے کو دی جس نے فوری طور پر فوج کو طلب کرلیا تاکہ شاہراہ کو مگرمچھ سے کلیئر کرایا جاسکے۔
ایف ایچ پی حکام کے مطابق کولیئر کاؤنٹی کے فوجی اطلاع ملنے پر فوری طور پرجائے وقوعہ انٹراسٹیٹ پچھتر پہنچے اور شاہراہ کو کراس کرنے کی کوشش کرنے والے مگرمچھ کو وہاں سے ہٹایا۔
ایف ایچ پی حکام نے ٹوئٹر پر ایک تصویر ٹوئٹ کی جس میں 12 فٹ لمبے مگرمچھ کو سڑک کے کنارے دیکھا جاسکتا ہے ساتھ ہی ایڈوائزی بھی جاری کی جس میں مذکورہ شاہراہ پر بڑے مگرمچھ کی موجودگی کی اطلاع دیتے ہوئے ڈرائیوروں کو محتاط رہنے کی تلقین کی گئی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں