The news is by your side.

Advertisement

حالات کو سامنے رکھ کر بجٹ کی تیاری کر رہے ہیں،مشیر خزانہ

اسلام آباد: مشیر خزانہ ڈاکٹر عبد الحفیظ شیخ کا کہنا ہے کہ موجودہ حالات کو سامنے رکھ کر نئے بجٹ کی تیاری کر رہے ہیں۔

تفصیلات کے مطابق وفاقی دارالحکومت اسلام آباد میں مشیر خزانہ ڈاکٹر عبدالحفیظ شیخ کی زیرصدارت اعلیٰ سطح اجلاس ہوا جس میں چیئرپرسن ایف بی آر،سابق سیکرٹری خزانہ وقار مسعود اور اعلیٰ حکام نے شرکت کی۔

ڈاکٹراکرام الحق سے ویڈیولنک کے ذریعے ٹیکس اسٹرکچر پر بات چیت کی گئی۔ڈاکٹر اکرام الحق نے مارکیٹوں اور چیمبرز کےجمع کردہ ڈیٹا پر روشنی ڈالی۔اجلاس میں ڈیٹا کے ذریعے ٹیکس وصولی میں اضافے، نظام میں بہتری کی تجاویز پیش کی گئیں۔

اس موقع پر مشیر خزانہ کا کہنا تھا کہ ٹیکس وصولیوں کے نظام میں موجود خامیوں کا خاتمہ چاہتے ہیں،معیشت کو درپیش مشکلات ختم کرنے کے لیے ٹھوس اقدامات کیے ہیں۔

ڈاکٹر عبدالحفیظ شیخ کا مزید کہنا تھا کہ موجودہ حالات کو سامنے رکھ کر نئے بجٹ کی تیاری کر رہے ہیں،حکومت فریقین سے بات چیت کر کے ان کی تجاویز پر غور کرےگی۔

یاد رہے کہ گزشتہ ہفتے مشیر خزانہ ڈاکٹر عبدالحفیظ شیخ کا کہنا تھا کہ جی20 سے قرضوں کی ری شیڈولنگ کے بہتر نتائج آئیں گے۔

Comments

یہ بھی پڑھیں