مکڑی دراصل شکار کو پھانسنے کے لیے جالا بناتی ہے جو گھر میں مکینوں کےلیے یقیناً پریشانی کا باعث بنتا ہے اگر آپ ان جالوں سے نجات چاہتے ہیں ہمارے نسخے پر عمل کریں۔
مکڑی کو اپنے جالے میں چھوٹے کیڑے، مکھیاں اور مچھر پھنس جاتے ہیں جنہیں مکڑی بطور خوراک استعمال کرتی ہے لیکن گھروں میں مکڑی کے جالے نہیں ہونے چاہیے اور اس سے متعلق مختلف روایات و احادیث بھی موجود ہیں کچھ تفاسیر میں بھی جالے سے متعلق ذکر کیا ہے جو نیچے درج ذیل ہے۔
تفسیر الکشف والبیان میں سورۃ العنکبوت کی آیت 41 سے متعلق بتایا گیا ہے کہ ’اپنے گھروں کو مکڑی کےجالوں سے صاف رکھا کرو کہ ان کی گھروں میں موجودگی فقر کا موجب بنتی ہے‘ اور ان الفاظ کی نستب حضرت علی المرتضیٰ علیہ السّلام کی جانب دی گئی ہے۔
لہذا آپ کو چاہیے کہ اپنے گھروں کو مکڑی کے جالوں سے صاف رکھیں اور اگر آپ گھروں میں لگے مکڑی کے جالوں کی صفائی کےلیے مختلف قسم کی ادویات استعمال کرکے تھک گئے ہیں تو ہمارا بتایا ہوا نسخہ استعمال کریں جو نہ صرف مکڑی کے جالوں کو بغیر کسی کیمیل یا دوا کے صاف کرے گا بلکہ کئی ماہ تک جالے لگنے سے بھی روکے گا۔
طریقہ کار
مکڑی کے جالے صاف کرنے کےلیے ایک نرم چادر کا ٹکرا لیں اور نیم گرم پانی میں ڈبو کر اسے ڈنڈے پر لپیٹ لیں پھر ایک اخبار پر تھوڑا سا نمک ڈال کر ڈنڈے کو اس پر رول کریں اور دیوار پر لگے جالوں پر پھیر دیں جو نہ صرف جالے صاف کرے گا بلکہ مہینوں تک جالے لگنے سے بھی روکے گا۔
