ہیڈ کوچ وقار یونس کی بین الصوبائی رابطے کے وزیر ریاض پیرزادہ سے ملاقات -
The news is by your side.

Advertisement

ہیڈ کوچ وقار یونس کی بین الصوبائی رابطے کے وزیر ریاض پیرزادہ سے ملاقات

لاہور: پاکستانی کرکٹ ٹیم کی ورلڈ کپ میں شکست کے بعد ہیڈ کو چ وقار یونس کی خفیہ رپورٹ منظر عام پر آنے سے وقار یونس خا صےچراغ پاہیں،انہوں نے اس معاملے پر بین الصوبائی رابطے کے وزیر ریاض پیر زادہ سے ملا قات کی اور شکایتوں کے انبار لگا دیئے ۔

پارلیمنٹ سے زیادہ سیاست پاکستان کی کرکٹ میں ہے، یہ جملے کہنے والے قومی ٹیم کے ہیڈ کوچ وقار یونس اپنی شکایت لگانے پارلیمنٹ کے رکن کے پاس پہنچ گئے۔

وقار یونس نے بین الصوبائی رابطے کے وزیر ریاض پیر زادہ سے ملاقات کی اور رپورٹ لیک ہونے پر بورڈ کی خوب شکایتیں لگائیں،بورڈ کے رویئے پر ناراضگی کا بھی اظہار کیا۔

ریاض پیرزادہ نے وقار یونس کا غصہ کچھ ٹھنڈا کیا اور رپورٹ وزیراعظم تک پہنچانے کی یقین دہانی کرائی، وقار یونس نے ایک بار پھر رپورٹ کو خفیہ قراد دیا۔

وقار یونس نے کہا کہ رپورٹ میں کھلاڑیوں کی لڑائی کا ذکر نہیں کیا، کرکٹ میں خامیوں کی نشاندہی کی ہے اور اس میں بہتری کے لئے سفارشات دی ہیں، وقار یونس نے خفیہ رپورٹ ریاض پیرزادہ کو بھی دی۔

ایشیا کپ اور ورلڈ ٹی ٹوئنٹی میں قومی ٹیم کی پرفارمنس پر رپورٹ دینے والے خود پی سی بی کے ریڈار پر آگئے، رپورٹ لیک ہونے پر وقار ہوئے آؤٹ آف کنٹرول ہوئئے اور بورڈ کے خلاف تیر برسادیئے۔ بورڈ بھی ایکشن میں آگیا اور کہا کہ بغیر اجازت وقار یونس نے میڈیا سے بات کیوں کی۔

چئیرمین پی سی بی شہریار خان نے قذافی اسٹیڈیم میں اعلٰی سطح کا ہنگامی اجلاس طلب کیا، اجلاس میں وقار یونس کے حالیہ بیان پر کارروائی کرنے یا نہ کرنے کا فیصلہ کیا گیا۔

ذرائع کے مطابق تحقیقاتی کمیٹی کی رپورٹ کے بعد وقار یونس کے خلاف کارروائی کا فیصلہ ہوگا۔

Comments

comments

یہ بھی پڑھیں