تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

وارنر نے برائن لارا کا ریکارڈ نہ توڑنے کی وجہ بتا دی

ایڈیلیڈ: آسٹریلوی بیٹسمین ڈیوڈ وارنر نے سابق ویسٹ انڈین اسٹار برائن لارا کا ٹیسٹ کرکٹ کی ایک اننگز میں سب سے زیادہ 400 رنز کا انفرادی اسکور کا عالمی ریکارڈ نہ توڑنے کی وجہ بتادی۔

پاکستان کے خلاف ایڈیلیڈ ٹیسٹ کی پہلی اننگز میں آسٹریلوی اوپنر نے 335 رنز کی ناقابل شکست اننگز کھیلی، ان کے پاس برائن لارا کا ورلڈریکارڈ توڑنے کا اچھا موقع تھا تاہم کپتان نے 589 کے مجموعے پر اننگز ڈکلیئر کردی۔

ٹم پین کے اس فیصلے پرشائقین اور مبصرین حیرت زدہ ہوگئے کہ وارنر کے ہاتھ آیا اچھا موقع گنوادیا گیا، آسٹریلوی کپتان کے فیصلے پر کرکٹ حلقوں کی جانب سے تنقید کی گئی تو ڈیوڈ وارنر وضاحت دینے میدان میں آگئے۔

اوپنر نے میڈیا کو بتایا کہ ان کی نظر میں کوئی عالمی ریکارڈ نہیں تھا اور وہ برائن لارا کا ریکارڈ توڑنے کا سوچ بھی نہیں رہے تھے، میرے ذہن میں ایسا کچھ نہیں تھا کہ میں جاؤں اور ریکارڈ پاش پاش کردوں۔

انہوں نے کپتان کا دفاع کرتے ہوئے کہا کہ ہم صرف یہ سوچ رہے تھے کہ میچ جیتنے کی پوزیشن میں آجائیں، اس لیے ہم زیادہ سے زیادہ وقت وکٹ پر گزارنا چاہتے تھے۔

وارنر نے کہا کہ مجھےنہیں لگتا کہ میں نے کوئی موقع ضائع کردیا ہے،ہم تمام تر نظرین میچ میں کامیابی پر تھیں، مجھے موقع ضرور ملا جو کہ اچھا ہے لیکن میں بہت ڈسپلن تھا اور میں اس سے بہت خوش ہوں۔

Comments

- Advertisement -