The news is by your side.

Advertisement

خبردار! بغیر ماسک پکڑے گئے تو وہیں کرونا ٹیسٹ ہوگا

نئی دہلی : بھارتی حکام نے کرونا کا پھیلاؤ روکنے کےلیے بلا ضرورت گھر سے باہر نکلنے اور بغیر ماسک کے گھومنے والوں کا اینٹی جن ٹیسٹ کروانے کا اعلان کردیا۔

غیر ملکی خبر رساں ادارے کی رپورٹ کے مطابق کرونا نے دنیا بھر کو اپنی لپیٹ میں لے رکھا ہے لیکن بھارت کا شمار ان ممالک میں ہوتا ہے جہاں روزانہ کی بنیاد پر لاکھوں کیسز رپورٹ ہورہے ہیں۔

بھارتی ریاست مہاراشٹر میں کیسز کی تعداد سب سے زیادہ ہے جس پر قابو پانےکےلیے حکام نے بغیر ماسک باہر گھومنے اور بلاضرورت گھر سے نکلنے والوں کا باہر ہی کرونا ٹیسٹ کرنے کا اعلان کیا ہے۔

رپورٹس میں بتایا گیا ہے کہ ضلع اورنگ آباد شہر میں کرونا کی زنجیر توڑنے کےلیے حکم امتناع نافذ کیا گیا ہے اس کے باوجود لوگ بوقت ضرورت گھروں سے نکلنے پر مجبور ہیں۔

اورنگ آباد میونسپل کارپوریشن نے لوگوں کو گھروں سے نکلنے سے روکنےکےلیے یہ فیصلہ کیا ہے جس کے بعد بلاضرورت سے نکلنے والے افراد کو پکڑ کر اسی جگہ ٹیسٹ کیا جائے گا تاکہ کرونا کی تصدیق ہوسکے۔

Comments

یہ بھی پڑھیں