The news is by your side.

Advertisement

سازش کے تحت کراچی کو تباہی کے دہانے پر پہنچا دیا گیا، وسیم اختر

کراچی: میئر کراچی وسیم اختر نے کہا ہے کہ سازش کے تحت کراچی کو تباہی کے دہانے پر پہنچا دیا گیا ہے۔

تفصیلات کے مطابق میئر کراچی وسیم اختر نے میڈیا سے گفتگو کرتے ہوئے کہا کہ شہر کے مسائل حل نہیں ہورہے ہیں ہمارے لوگ مشکل میں ہیں، سندھ حکومت نے بلدیاتی اختیارات اپنے پاس رکھے ہوئے ہیں۔

وسیم اختر نے کہا کہ مسائل تیزی سے بڑھ رہے ہیں، بلدیاتی اداروں کے پاس وسائل نہیں، کورنگی کے ایریا میں 2 کروڑ کی لاگت سے ڈیڑھ کلو میٹر سڑک کئی سال بعد تعمیر ہورہی ہے۔

انہوں نے کہا کہ ہم نے فیصلہ کرنا ہے کہ وفاقی حکومت کے ساتھ چلیں یا نہیں، رابطہ کمیٹی کو عوام کے مفاد میں فیصلہ کرنا ہوگا۔

مزید پڑھیں: ایسا لگتا ہے بھکاری کی طرح کراچی کا شیئر مانگ رہے ہیں، وسیم اختر

واضح رہے کہ اس سے قبل میئر کراچی کا کہنا تھا کہ سڑکوں کا حال برا ہے، سیوریج سسٹم تباہ ہوچکا ہے، ایسا لگتا ہے کہ بھکاری کی طرح کراچی کا شیئر مانگ رہے ہیں۔

ان کا کہنا تھا کہ کے ایم سی کے پاس تجربہ ہے، سہولتیں نہیں ملیں ورنہ کام جانتے ہیں، سپریم کورٹ نے طاقت دی کہ تجاوزات ہٹائیں، ہم نے ہٹا کر دکھا دئیے۔

میئر کراچی کا کہنا تھا کہ کراچی مسائل میں گھرا ہے، وزیراعظم سے درخواست ہے شہر کو بہتر کریں، اگر وزیراعظم کراچی میں تین مہینے رہ جائیں تو مسائل حل ہوجائیں۔

fb-share-icon0
Tweet 20

Comments

comments

یہ بھی پڑھیں