The news is by your side.

Advertisement

میئر کراچی نے شہر کو آفت زدہ قرار دے دیا

کراچی: میئر کراچی وسیم اختر نے شہر قائد کی موجودہ صورت حال کو آفت زدہ قرار دے دیا.

تفصیلات کے مطابق بارش اور عید کے بعد شہر اور شہریوں‌ کو درپیش مسائل کا تذکرہ کرتے ہوئے انھوں نے کہا ہے کہ ہمارے لئے یہ خاصا ٹف ٹائم ہے.

میئر کراچی وسیم اختر نے کہا کہ ہمیں تین سال پہلے گلا سڑا سسٹم ملا تھا، آج ہمیں کئی چیلنجز کا سامنا ہے، کوشش کریں گے کہ ان کا مقابلہ کریں.

وسیم اختر نے کہا کہ سندھ گورنمنٹ ایسا سسٹم بنائے، جس کو آگے لے جایا جا سکے، 10 سال پہلے کراچی میں کچرا اٹھتا تھا، نالے صاف ہوتے تھے.

مزید پڑھیں: آرمی چیف کراچی شہر کے مسائل کے حل کیلئے ثالثی کا کردار ادا کریں، مصطفیٰ کمال

ایم کیو ایم کے سینئر رہنما نے کہا کہ آج کراچی کی بدترین صورت حال ہے، بلکہ میں کہوں گا کہ کراچی آفت زدہ ہے.

خیال رہے کہ سیاسی اور انتظامی اختلافات کی وجہ سے شہر کراچی کو آج شدید مسائل کا سامنا ہے، صفائی کی صورت حال ابتر ہے، سڑکیں‌ ٹوٹ پھوٹ کا شکار ہیں، کچرا بھی نہیں اٹھایا گیا.

ایسے میں پہلے بارش نے شہر میں‌ تباہی مچائی، پھر عید قربان کے بعد آلائشوں کے ڈھیر لگ گئے، جسے ٹھکانے لگانے میں تاخیر  کا سامنا ہے۔

Comments

comments

یہ بھی پڑھیں