The news is by your side.

Advertisement

ایکشن پلان ہوچکےاب ڈیولپمنٹ پلان شروع کریں،وسیم اختر

کراچی: مئیر کراچی وسیم اختر کا کہناہے کہ کراچی ڈیولپمنٹ پلان پرتوجہ دیں گےتوکراچی آپریشن کی ضرورت نہیں پڑے گی۔

تفصیلات کےمطابق کراچی میں سندھ اسمبلی کےباہر میڈیا سے گفتگوکرتے ہوئے میئر کراچی وسیم اختر کا کہناتھاکہ سندھ اسمبلی آکر اچھا لگا ہے،اسمبلی سےیادیں وابستہ ہیں۔

میئر کراچی کا کہناتھا کہ اسمبلی آمد پر اسپیکر سندھ اسمبلی نے خوش آمدید کیا اور اجرک اور ٹوپی پہنائی جس پر میں ان کا شکرگزار ہوں۔انہوں نے کہا کہ اسپیکر سندھ اسمبلی سے ملاقات میں کراچی سمیت سندھ بھر کےمعاملات پر بھی بات چیت ہوئی۔

وسیم اختر کا کہناتھا ڈیولپمنٹ پلان پرتوجہ دیں گےتوکراچی آپریشن کی ضرورت نہیں پڑےگی۔انہوں نے کہا کہ ساری سیاسی جماعتوں کے ساتھ مل کر شہر کے مسائل حل کریں گے۔

میئر کراچی کا کہناتھا کہ کراچی میں انفرااسٹرکچرتباہ،پانی کی عدم فراہمی کےمسائل ہیں۔انہوں نے کہا کہ 5 ماہ پہلے کراچی کا پہلا مسئلہ کچرا اٹھانا تھا۔

انہوں نے کہا کہ میں ہارڈلائنرہوں مگرکراچی کے لیے ہوں۔اس کے علاوہ انہوں نے حکومت سے درخواست کی کہ وہ لوکل گورنمنٹ کو اختیارات دیں تاکہ عوام کی جانب سے منتخب کیے گئے نمائندے عوام کے بنیادی مسائل کوحل کرنےکے لیے کام کرسکیں۔

Print Friendly, PDF & Email

Comments

comments

یہ بھی پڑھیں