کراچی: قومی کرکٹ ٹیم کے سابق کپتان وسیم اکرم زمبابوے سے میچ ہارنے کے بعد کھلاڑیوں اور چیف سلیکٹر پر برس پڑے۔
وسیم اکرم نے اے اسپورٹس میں گفتگو کرتے ہوئے کہا کہ جب ٹیم کھیلتی ہے تو سارا پاکستان دیکھتا ہے، اور ہم سب یہ جانتے ہیں کہ ہار جیت کھیل کا حصہ ہے، لیکن ہمیں ڈیڑھ سال سے پتا ہے کہ ہمیں آسٹریلیا میں ورلڈ کپ کھیلنا ہے۔
انکا کہنا تھا کہ ان پورے ٹائم کے درمیان کپتان کو ٹیم کی تیاری کرنی چاہیے تھی، آسٹریلیا کی پچ کے لیے مڈل آرڈ اور فاسٹ بولر کو تیار کرنا چاہیے تھا، لیکن چیف سلیکٹر اور کپتان سمیت کسی نے بھی کوئی تیاری نہیں کی۔
وسیم اکرم کا کہنا تھا کہ ٹیم کی سلیکشن ہونے کے بعد ذمہ داری کپتان کی ہوتی ہے، کپتان کو پتا ہونا چاہیے کہ وہاں کی پچز کیسی ہے، ورلڈ کپ کیسے جیتنا ہے۔
قومی کرکٹ ٹیم کے سابق کپتان وسیم اکرم نے کہا کہ ولڈ کپ جیتنے کے لیے بہترین منصوبی بندی کرنے کی ضرورت ہوتی ہے، اس کی تیاری ان ایک سال میں کرنی چاہیے۔
انکا کہنا تھا کہ بہترین پرفارمنس دینے والوں کو ریسٹ نہیں دینا چاہیے، اچھے اچھے کھلاڑی کو بیٹھا دیتے ہیں، مین پلیئرز آگے آجاتے ہیں، مجھے سمجھ نہیں آتی کہ مین پلئیرز کو میچ کھیلنے کا اتنا شوق کیوں ہے۔
سابق کپتان نے کہا کہ لیکن اب ہماری ٹیم اسی پوزیشن میں آگئی ہے کہ اگر یہ ٹیم جیت جائے یا وہ ٹیم ہارے تو ہماری جگہ بن سکتی ہے۔
وسیم اکرم کا مزید کہنا تھا کہ مجھے امید ہے کہ میں پاکستانی ٹیم دوبارہ کم بیک کرےگی اور سیمی فائنل تک پہنچے گی لیکن یہ اب بہت مشکل لگ رہا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں