The news is by your side.

1992 کے ورلڈ کپ میں بھی نیوزی لینڈ نے پہلے بیٹنگ کی تھی، وسیم اکرم

کراچی: آئی سی سی ٹی ٹوئنٹی ورلڈ کپ کے سیمی فائنل میں نیوزی لینڈ نے ٹاس جیت کر بیٹنگ کا فیصلہ کیا ہے۔

اے آر وائی کے اسپورٹس پروگرام میں گفتگو کرتے ہوئے سابق کپتان وسیم اکرم کا کہنا تھا کہ ٹاس ہار گئے کوئی بات نہیں، ٹاس ہارنے یا جیتنے سے فرق نہیں پڑتا۔

وسیم اکرم کا کہنا تھا کہ  1992 کے ورلڈکپ میں بھی نیوزی لینڈ نے پہلے بیٹنگ کی تھی، لیکن آج بابر اعظم کی کپتانی کا امتحان ہے۔

پینل میں موجود یونس خان کا کہنا تھا کہ پاکستان ٹیم کو پلاننگ کیساتھ کھیلنا ہوگا، بولرز کو کوشش کرنا ہوگی کم سے کم رنز پر آؤٹ کریں۔

یونس خان نے کہا کہ پچ کے لحاظ سے  کنڈیشنز مختلف ہوتی ہیں، ٹاس جیتنا آج کے میچ میں ہمارے لئے اہم تھا، ٹاس ہار بھی گئے تو ایسا نہیں کہ ہم چیس نہیں کرسکتے۔

Comments

یہ بھی پڑھیں