The news is by your side.

Advertisement

خانہ کعبہ کے غسل کے روح پرور مناظر

مکہ المعظمہ: بیت اللہ شریف کو گورنر مکہ خالد الفیصل کی سربراہی میں سالانہ غسل دے دیا گیا جس میں مختلف مسلمان ممالک سے منتخب افراد شریک ہوئے۔

تفصیلات کے مطابق گزشتہ روزسعودی عرب کے فرمانروا خادم الحرمین الشریفین کی نیابت میں مکہ ریجن کے گورنر شہزادہ خالد الفیصل نے اتوار کے روز خانہ کعبہ کو غسل دیا۔ خانہ کعبہ کو غسل دینے کی تقریب سال میں دو مرتبہ ہوتی ہے۔

06

07

بیت اللہ کے متولی خاندان کے سربراہ الشخ الشیبی کے مطابق خانہ کعبہ کو 45 لیٹر معطر زم زم کے پانی سے غسل دیا گیا۔ خانہ خدا کو غسل دینے کی یہ تقریب نماز فجر کے بعد ادا کی جاتی ہے۔

08

01

انہوں نے بتایا کہ’خانہ کعبہ کی اندرونی دیواریں تین میٹر بلند ہیں اور اس کی چھت کی اندرونی سطح سبز ریشمی کپڑے سے ڈھکی ہوئی ہے‘۔

02

الشیخ الشیبی نے کا مزید کہنا تھا کہ اتوار ہی کے روز مقام حضرت ابراہیم علیہ السلام کو بھی غسل دیا گیا۔ اس جگہ پر حضرت ابراہیم کے قدموں کے وہ نشان محفوظ ہیں جب وہ کعبہ کی تعمیر کر رہے تھے۔ مقامِ ابراہیم کو بھی زم زم کے خوشبو ملے پانی سے غسل دیا جاتا ہے۔ اس جگہ کی مکمل صفائی میں چار گھنٹے صرف ہوتے ہیں۔

03

واضح رہے کہ خانہ کعبہ کو ہر سال 2 مرتبہ غسل دیا جاتا ہے۔ پہلی مرتبہ ماہ رمضان سے قبل جبکہ دوسری مرتبہ نئے ہجری سال کے آغاز پر یکم محرم کو غسل کعبہ کی تقریب منعقد کی جاتی ہے جبکہ غلاف کعبہ ہر سال 9ذوالحجہ کو یوم عرفہ کے موقع پر تبدیل کیا جاتا ہے۔

04

05

تقریب کے موقع پر اہم حکومتی مہمانان کے علاوہ سعودی عرب کے اعلیٰ افسران، علمائے کرام اور زائرین کی کثیر تعداد موجود تھی۔

Comments

comments

یہ بھی پڑھیں