نیویارک: امریکا کے ایوانِ نمائندگان نے واشگنٹن ڈی سی کو 51ویں ریاست بنانے کی سفارش کی جس کو منظور کرلیا گیا۔
بین الاقوامی میڈیا رپورٹ کے مطابق جمعرات کے روز ایوانِ نمائندگان میں واشنگٹن ڈی سی کو ریاست ہائے متحدہ کی 51ویں ریاست کی حیثیت سے منظوری دینے کی سفارش کا بل پیش کیا۔
امریکا کی تاریخ میں دوسری بار بار ایوان نے اس طرز کی قانون سازی کی ہے، جس کی ڈیموکریٹس نے بھی کھل کر حمایت کی۔
ان سینیٹرز میں شامل ایک رکن پال اسٹراس نے سفارش پر ملنے والی حمایت پر خوشی کا اظہار کرتے ہوئے کہا کہ ’آج کی ووٹنگ سے ایوان میں ڈیموکریٹس کے اتحاد سے خوش ہوئی‘۔ اس کے ساتھ ہی انہوں نے مایوسی کا اظہار کرتے ہوئے کہا کہ ریپبلکن کی جانب سے اس بل کی حمایت نہیں کی گئی۔
اسٹراس نے کہا کہ ’ہمیں اس بل کو ایوان میں پیش کرنے کے لیے کم سے کم 10 ریپبلکن کی رضامندی کی ضرورت ہے، خواہ وہ اس بل کی حمایت نہیں کریں، بل منظور کروانے کے لیے 51 ووٹ درکار ہوں گے‘۔
ایلینور ہومز نورٹن نے بل منظور ہونے کے بعد ایک بیان میں کہا کہ ’آج کی جیت ڈی سی کے رہائشیوں اور ڈی سی ریاست دونوں کے لئے تاریخی ہے‘۔
امریکی میڈیا رپورٹ کے مطابق نورٹن ایک غیر ووٹنگ نمائندہ کے طور پر کانگریس میں ڈی سی کی نمائندگی کرتے ہیں۔ قانون کے تحت ملک کا دارالحکومت کانگریس میں منتخب ووٹنگ کی نمائندگی نہیں کرتا ہے، حالانکہ اس کے باشندے وفاقی ٹیکس ادا کرتے ہیں۔
