پاکستان کو ایف سولہ کی فروخت پر بھارت کو تشویش نہیں ہونی چاہیئے، پینٹاگون -
The news is by your side.

Advertisement

پاکستان کو ایف سولہ کی فروخت پر بھارت کو تشویش نہیں ہونی چاہیئے، پینٹاگون

واشنگٹن : امریکی محکمہ دفاع پینٹاگون نے کہا ہے کہ پاکستان کو ایف 16 لڑاکا طیاروں کی فروخت پر بھارت کو تشویش نہیں ہونی چاہیئے۔

خبر رساں ایجنسی اے پی پی کے مطابق یہ بات پینٹاگون کے پریس سیکرٹری پیٹرو کک نے میڈیا کو دی گئی ایک بریفنگ میں کہی۔

تفصیلات کے مطابق امریکا نے کہا ہے کہ پاکستان کو ایف 16طیاروں کی فروخت سے بھارت کوکوئی تشویش نہیں ہونی چاہیے۔

انہوں نے کہا کہ اس معاہدے کو حتمی شکل دینے سے قبل خطے کی سیکیورٹی صورتحال کو مدنظر رکھا گیا ہے۔ پیٹرو کک کا کہنا تھا کہ امریکا کے دونوں ممالک کے ساتھ الگ الگ نوعیت کے تعلقات ہیں۔

ہم سمجھتے ہیں کہ پاکستان کو اضافی ایف 16طیاروں کی فروخت سے پاکستان میں دہشتگردی کے خلاف جاری لڑائی کےلئے استعدادکار میں اضافہ ہوگا اور اس سے بھارت کو کسی تشویش میں مبتلا نہیں ہونا چاہیے۔

Comments

comments

یہ بھی پڑھیں