site
stats
پاکستان

پاکستان میں دہشتگردی افغانستان سےہورہی ہے، امریکی تھنک ٹینک

واشنگٹن : امریکی تھنک ٹینک اور ڈائریکٹرجنوبی ایشیائی پروگرام مائیکل کوگل مین نے کہا ہے کہ آپریشن ضرب عضب کے بعد افغانستان سے پاکستان میں دہشت گردی ہورہی ہے، ٹرمپ انتظامیہ پاکستان کے ساتھ باراک اوباما کی پالیسی جاری رکھےگی۔

یہ بات انہوں نے اےآروائی نیوزسے خصوصی گفتگو کرتے ہوئے کہی۔ امریکی تھنک ٹینک نےمان لیا کہ پاکستان میں دہشتگردی افغانستان سےہورہی ہے۔

ڈائریکٹرجنوبی ایشیائی پروگرام مائیکل کوگل مین نے کہا ہے کہ پاکستان میں ہونے والی حالیہ دہشت گردی کی کاروائیاں شدت پسند تنظیموں کا فعال ہونا ثابت کرتی ہے،دہشت گرد اب بھی پاکستان میں کاروائیاں کررہے ہیں۔

انہوں نے کہا کہ دہشت گردی کیخلاف پاکستان افغانستان کو مل کرکام کرنے کی ضرورت ہے، تاہم ٹرمپ انتظامیہ پاکستان کو بلینک چیک کا ارادہ نہیں رکھتی۔

 ایک سوال کے جواب میں ان کا کہنا تھا کہ ٹرمپ انتظامیہ کا پاکستان کو امداد دینےکا ارادہ نہیں، مائیکل کوگل مین نے کہا کہ ٹرمپ انتظامیہ پاکستان کے ساتھ باراک اوباما کی پالیسی جاری رکھےگی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top