قتل کی دھمکیاں مل رہی ہیں، ڈی جی رینجرزنوٹس لیں، وسیم اختر -
The news is by your side.

Advertisement

قتل کی دھمکیاں مل رہی ہیں، ڈی جی رینجرزنوٹس لیں، وسیم اختر

کراچی : متحدہ قومی موومنٹ کے رہنماء اور نامزد میئر کراچی وسیم اختر نے کہا ہے کہ میرے بچوں کی جان کو خطرہ ہے، کچھ ہوا تو سندھ حکومت ذمہ دار ہوگی۔

یہ بات انہوں نے انسداد دہشت گردی عدالت کے باہر میڈیا سے گفتگو کرتے ہوئے کہی ، وسیم اختر نے کہا کہ مجھے صفائی مہم ختم کرنے کیلئے دھمکیاں مل رہی ہیں اور خاموشی اختیار کرنے کا کہا جا رہا ہے۔

انہوں نے بتایا کہ میرے پاس دھمکیوں کی کالز کا ریکارڈ موجود ہے، ڈی جی رینجرز نوٹس لیں۔ ان کا مزید کہنا تھا کہ مجھے اور میرے بچوں کو مارنے کی دھمکیاں دی جارہی ہیں، جان کو شدید خطرات لاحق ہیں، مجھے کچھ ہوا تو اس کی ذمہ دار سندھ حکومت ہوگی۔

انہوں نے کہا کہ ایم کیو ایم کو اپنی صفائی مہم کو معطل کرنا پڑگیا، ہم سیاست سے بالاتر ہوکر عوام کے لیے نکلے تھے لیکن اسے بھی سیاست کی نذر کردیا گیا، سندھ حکومت تعاون کے بجائے صفائی مہم سمیت دیگر کاموں میں روڑے اٹکا رہی ہے۔

 

Comments

comments

یہ بھی پڑھیں