کراچی (30 جولائی 2026): سابق قومی کپتان وسیم اکرم اور ان کی اہلیہ شنیرا کا پالتو کتا لاپتہ ہو گیا ڈھونڈنے والے پر نوٹ برسیں گے۔
پاکستان کرکٹ کے سابق کپتان وسیم اکرم اور ان کی اہلیہ شنیرا اکرم کا پالتو کتا لاپتہ ہو گیا ہے اور اس کی اطلاع انہوں نے اپنے آفیشل انسٹاگرام اکاؤنٹ سے دی ہے۔
وسیم اور شنیرا کی شیئر کی گئی اسٹوری میں بتایا گیا ہے کہ 5 ماہ کا ڈیوک نامی بلیک جرمن شیپرڈ (لانگ کوٹ) کراچی کے علاقے ڈی ایچ اے فیز 8 سے گم ہو گیا ہے، جو آخری مرتبہ ڈی ایچ اے فیز 8 میں دیکھا گیا تھا۔
سابق کرکٹر نے صرف پالتو کتے کی بازیابی یا اس کے بارے میں قابل اعتماد اطلاع دینے والے شخص کو ڈھائی لاکھ روپے بطور انعام دیننے کا اعلان کیا ہے۔
وسیم اکرم اور شنیرا نے ڈی ایچ اے فیز 8 کے رہائشیوں، سیکیورٹی گارڈز اور مقامی افراد سے اپیل کی ہے کہ وہ اپنے اردگرد کے پارکس، باغات، گلیوں، چھتوں اور گیراجز میں کتے کی تلاش میں تعاون کریں۔
