لاہور: قومی کرکٹ ٹیم کے سابق کپتان، سوئنگ کے سلطان وسیم اکرم نے اپنے قریبی دوست اور میزبان فخرِ عالم کے ماضی کی ایک دلچسپ ویڈیو سوشل میڈیا پر شیئر کی ہے، جس کے بعد یہ کلپ تیزی سے سوشل میڈیا کی زینت بن گیا۔
وسیم اکرم اور فخرِ عالم کی دوستی کافی پرانی اور گہری ہے، دونوں ہر سال کرکٹ ٹرانسمیشن کی میزبانی بھی ایک ساتھ کرتے ہیں۔ رواں برس دونوں نے ایک ساتھ حج کی سعادت بھی حاصل کی تھی۔
فخرِ عالم ماضی میں اداکاری کے شعبے سے بھی وابستہ رہے ہیں۔ انہوں نے ایک فلم میں معروف اداکارہ ریشم کے ساتھ ایک فلم میں بھی کام کیا۔
View this post on Instagram
سابق کپتان نے فخرِ عالم کی اسی فلم کا ایک ڈانس کلپ اپنے انسٹاگرام اکاؤنٹ پر شیئر کیا ہے، ویڈیو میں فخرِ عالم کو اپنے ماضی کے انداز میں ڈانس کرتے دیکھا جاسکتا ہے۔
فخر عالم ٹریفک حادثے میں بال بال بچ گئے
رپورٹس کے مطابق سوشل میڈیا پر ماضی کی یہ جھلک سامنے آنے کے بعد دلچسپ تبصروں کا سلسلہ شروع ہوگیا جبکہ متعدد شوبز شخصیات بھی اپنی رائے کا اظہار کررہی ہیں۔
