کراچی: قومی ٹیم کے سابق کپتان وسیم اکرم کی محنت رنگ لے آئی، کراچی کے ساحل سے گندگی کے ڈھیر کو ہٹا دیا گیا۔
اے آر وائی نیوز کی رپورٹ کے مطابق کراچی کے ساحل پر گندگی کے ڈھیر کو صاف کردیا گیا، وسیم اکرم نے سوشل میڈیا پر کراچی کے ساحل پر گندگی کے ڈھیر کی ویڈیو پوسٹ کی تھی۔
وسیم اکرم کی ویڈیو وائرل ہونے کے بعد انتظامیہ حرکت میں آئی اور کراچی کے ساحل کو صاف کردیا گیا۔
We need to stop pretending this is ok because it’s not! pic.twitter.com/obPZhP44Vd
— Wasim Akram (@wasimakramlive) October 5, 2020
سابق فاسٹ بولر نے ایک اور ویڈیو شیئر کی اور سوشل میڈیا پرستاروں کا شکریہ ادا کیا اور حکام کے کام کو بھی سراہا۔
واضح رہے کہ گزشتہ دنوں وسیم اکرم اپنی اہلیہ شنیرا کے ہمراہ ساحل سمندر پر پہنچے تو گندگی کے ڈھیر دیکھ کر افسردہ ہوگئے تھے اور سوشل میڈیا پر ویڈیو شیئر کی تھی جو وائرل ہوگئی تھی۔
ان کا کہنا تھا کہ سوچا تھا کہ ویک اینڈ کے بعد پیر ہفتے کا پہلا دن ہے، سوچا تھا سمندر پر مزہ آئے گا لیکن میں نے اپنی بیوی کو سی ویو پر لا کر بہت بڑی غلطی کر دی۔
وسیم اکرم کا کہنا تھا کہ میری بیوی پوری دنیا کو کہتی ہے کہ پاکستان بہت خوبصورت ملک ہے، لوگ بہت خوبصورت ہیں، انہوں نے اعتراف کیا کہ لوگ بہت خوبصورت ہیں مگر گندے بھی ہیں۔