The news is by your side.

Advertisement

وسیم اکرم قرنطینہ میں‌ وک لگا کر، تصویر وائرل

کرونا وائرس سے محفوظ رہنے کے لیے معروف شخصیات نے خود کو گھروں تک محدود کرلیا ہے اور وہ وقت گزارنے کے لیے وہ دلچسپ کام کررہے ہیں۔

یونیسیف کی گزشتہ ہفتے جاری ہونے والی رپورٹ میں بتایا گیا تھا کہ دنیا کے تین ارب سے زائد لوگ گھروں میں رہنے پر مجبور ہیں جبکہ 8 کروڑ سے زائد طالب علم حصولِ تعلیم سے بھی محروم ہیں۔

کرونا وائرس کی روک تھام کے لیے مختلف ممالک کی حکومتوں نے شہروں کو لاک ڈاؤن کر کے عوام کو گھروں پر رہنے کی ہدایت کردی جبکہ کچھ ادارے ایسے بھی ہیں جنہوں نے ملازمین کو گھروں سے کام کرنے کی ہدایت کی۔

لاک ڈاؤن کے باعث گھروں میں بند ہونے والے شہری وقت گزارنے اور بے زاری کو دور کرنے کے لیے دلچسپ کام کررہے ہیں تاکہ اس سے دوسرے لوگوں کی حوصلہ افزائی ہوسکے اور وہ کرونا کے خلاف جنگ کو ثابت قدمی سے لڑ سکیں۔

مزید پڑھیں: کرونا وائرس، گھروں میں‌ محصور لوگوں کے دلچسپ مشاغل! ویڈیوز دیکھیں

انٹرنیٹ پر ایسی ہی ایک تصویر وائرل ہوئی جس میں دو معروف شخصیات موجود تھیں۔ اگر تصویر شیئر کرنے والے خود نہیں بتاتے تو انہیں پہچاننا بہت مشکل تھا کیونکہ دونوں کا روپ بالکل تبدیل ہوا نظر آرہا تھا۔

سماجی رابطے کی ویب سائٹ انسٹاگرام پر قومی کرکٹ ٹیم کے سابق کپتان اور کراچی کنگز کے صدر وسیم اکرم کی اہلیہ شنیرا اکرم نے تصاویر شیئر کی۔

ایک تصویر میں وسیم اکرم اور اُن کی صاحبزادی عائلہ موجود ہیں جنہوں نے مصنوعی بال (وگ) لگائی ہوئی ہے، وسیم اکرم بھی داڑھی بڑھنے اور چہرہ چھپنے کی وجہ سے پہچان میں نہیں آرہے۔

fb-share-icon0
Tweet 20

Comments

comments

یہ بھی پڑھیں