سابق کپتان وسیم اکرم نے اپنی اہلیہ شنیرا اکرم کو ان کی سالگرہ پر مبارکباد دیتے ہوئے کہا ہے کہ ’’آپ ہر دن کو جینے کے قابل بناتی ہو‘‘۔
سابق کپتان وسیم اکرم کی اہلیہ شنیرا اکرم نے زندگی کی 40 بہاریں دیکھ لیں اس موقع پر وسیم اکرم نے سوشل میڈیا پر اہلیہ کو مبارکباد دیتے ہوئے محبت بھرا پیغام دیا ہے۔
وسیم اکرم نے کہا شنیرا کی سالگرہ پر ٹوئٹر پر مبارکباد دیتے ہوئے کہا ہے کہ آپ کو 40 ویں سالگرہ مبارک ہو میری محبت، آپ ایک خوبصورت اور بہترین انسان ہو۔
Happy 40th birthday my love-you have grown into such a beautiful human being & you will only get better.I love having you by my side as my life parter, you make every day worth living.Thank you for all you do for me,our children,our families &for Pakistan!We love you @iamShaniera pic.twitter.com/TfImy6o5bJ
— Wasim Akram (@wasimakramlive) March 22, 2022
سابق فاسٹ بولر نے اپنے ٹوئٹر پیغام میں مزید لکھا کہ میری جیون ساتھی کے طور پر آپ ہر دن کو جینے کے قابل بناتی ہو، آپ جو کچھ میرے لیے کرتی ہو اس کیلیے شکریہ، ہمارے بچے، ہمارے خاندان اور پاکستان کیلیے۔
انہوں نے شنیرا کے نام اپنے محبت سے لبریز پیغام کا اختتام اس جملے کے ساتھ کیا۔
’’ہمیں تم سے پیار ہے۔‘‘
واضح رہے کہ وسیم اکرم کی آسٹریلوی نژاد شنیرا اکرم سے یہ دوسری شادی ہے دونوں 12 اگست 2013 کو رشتہ ازدواج میں منسلک ہوئے اور ان سے وسیم اکریم کی ایک بیٹی آئلہ سبین روز اکرم ہے جو 27 دسمبر 2014 کو پیدا ہوئی۔
وسیم اکرم کی پہلی شادی 1995 میں ہما مفتی سے ہوئی تھی جن سے ان کے دو بیٹے تیمور اور اکبر ہیں۔ ہما وسیم 25 اکتوبر 2099 کو انتقال کرگئیں تھیں۔