شوبز انڈسٹری کی معروف اداکارہ علیزے شاہ کی گانا گنگنانے کی ویڈیو سوشل میڈیا پر وائرل ہوگئی۔
ویڈیو شیئرنگ ایپلی کیشن ٹک ٹاک پر اداکارہ علیزے شاہ نے ویڈیو شیئر کی جس میں وہ کینیڈین گلوکارہ ایلے سیاکیرا کا مشہور گانا (Scars to Your Beautiful) گنگنا رہی ہیں۔
سوشل میڈیا پر مداحوں کی جانب سے علیزے کے گلوکارہ کے ٹیلنٹ کو خوب سراہا جارہا ہے اور ویڈیو کو اب تک لاکھوں صارفین دیکھ چکے ہیں۔
ایک صارف نے لکھا کہ ’آپ کی آواز بہت اچھی ہے۔‘ دوسرے صارف کا کہنا تھا کہ ’آپ گلوکارہ کیوں نہیں بن جاتیں۔‘
View this post on Instagram
اس سے قبل بھی علیزے شاہ کی مختلف گانے گنگانے کی ویڈیو سوشل میڈیا پر وائرل ہوچکی ہیں جبکہ وہ خود بھی سوشل میڈیا پر کافی متحرک رہتی ہیں اور اپنے نئے ڈراموں سے متعلق مداحوں کو گاہے بگاہے بتاتی رہتی ہیں۔
گزشتہ دنوں بھی علیزے نے اپنے نئے ڈرامے ’تقدیر‘ کے سیٹ سے تصاویر شیئر کی تھیں جسے اے آر وائی ڈیجیٹل پر جلد نشر کیا جائے گا۔
View this post on Instagram
اس سے قبل علیزے شاہ اے آر وائی ڈیجیٹل کے ڈراموں ’دل موم کا دیا‘ اور ’میرا دل میرا دشمن‘ میں اداکاری کے جوہر دکھا چکی ہیں۔