(15 اکتوبر 2025): آسٹریلوی مینز اور ویمنز کھلاڑیوں نے پاکستان کے ساتھ "نان ہینڈ شیک” موقف پر بھارتیوں کو ٹرول کردیا۔
بھارتی کھلاڑیوں کے پاکستانی ٹیم سے ہینڈ شیک نہ کرنے کے معاملے پر تاحال دنیا بھر میں بحث جاری ہے، پاکستانی کرکٹرز سے ہاتھ نہ ملانے پر آسٹریلوی کرکٹرز نے بھی بھارتی ٹیم کا مذاق اڑایا ہے۔
AUS players pre-India clip mocks India no-handshake theatre vs Pak. Why Aussie media & players laughing at stance sold as national pride? @BCCI @JayShah @GautamGambhir @narendramodi @ICC @MithunManhas @vikrantgupta73 @rawatrahul9 @mufaddal_vohra @PadmajaJoshi @ShivAroor pic.twitter.com/lSbuyhEcui
— Maham Fazal (@MahamFazal_) October 14, 2025
کیو اسپورٹس کی شیئر کردہ ایک ویڈیو میں اس ہینڈ شیک تنازع پر مذاق اڑایا، جو بعد میں ڈیلیٹ کر دی گئی، ویڈیو میں جوش ہیزل ووڈ، گلین میکسویل، مچل مارش اور ایلیسا ہیلی سمیت دیگر کھلاڑیوں کو دیکھا جاسکتا ہے۔
ویڈیو میں ایک اینکر نے کہا ’ہم سب جانتے ہیں کہ بھارت ایک زبردست ٹیم ہے، مگر ہم نے ان کی ایک کمزوری ڈھونڈ لی ہے!‘ دوسرے اینکر نے ہنستے ہوئے کہا، ’انہیں روایتی مصافحہ زیادہ پسند نہیں، تو کیوں نہ ہم کھیل شروع ہونے سے پہلے ہی انہیں الجھا دیں!‘
اس کے بعد آسٹریلوی کھلاڑی مختلف دلچسپ اور غیر روایتی ’گریٹنگز‘ کے انداز دکھاتے نظر آئے، جیسے ایئر ہائی فائیو، ہیڈ باؤ، اور سلامی کے انداز میں اشارے۔
آسٹریلوی کھلاڑیوں نے مذاق میں شامل ہو کر، ناتھن ایلس اور گلین میکسویل نے ایک مذاقی مٹھی اور ہتھیلی کا اشارہ کیا، ہیزل ووڈ نے مذاق میں پوچھا، “شوٹر کے بارے میں کیا خیال ہے؟” جس سے پوری ٹیم ہنس پڑی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں