The news is by your side.

Advertisement

ماڈل کی ریمپ پر واک کے وقت بلی کی آمد، ویڈیو وائرل

انقرہ: ترکی کے فیش شو میں ماڈلز کی ریمپ پر چہل قدمی کے وقت بلی آگئی اور اُس نے اپنی شرارتوں سے سب کے دل جیت لیے، دلچسپ ویڈیو سوشل میڈیا پر وائرل ہوگئی۔

فیشن شو میں عام طور پر ماڈلز ریمپ پر مختلف ڈیزائنرز کے لباس زیب تن کر کے واک کرتی ہیں مگر ترکی میں ہونے والے شو میں ریمپ پر لوگوں نے ایک ساتھ کیٹ واک بھی دیکھ لی۔

استنبول میں منعقد ہونے والے ایمسوڈ انٹرنیشنل فیشن شو میں دلچسپ صورتحال اُس وقت دیکھی گئی کہ جب ماڈل کو ریمپ پر واک کے لیے مدعو کیا گیا تو اُس کے پیچھے پیچھے بلی بھی آگئی۔

ریمپ پر آنے والی بلی اسٹیج پر بیٹھ گئی اور اُس نے ماڈل کے دوپٹے پر پنجے بھی مارے، دلچسپ واقعے کی ویڈیو سوشل میڈیا پر شیئر ہوئی جس کو دیکھ کر صارفین حیران رہ گئے۔

View this post on Instagram

Ahahahahahah #catwalk #real #vakkoesmod

A post shared by H (@hknylcn) on

ایلان اور پوائز نامی ماڈلز کا کہنا ہے کہ وہ ریمپ پر بلی کو دیکھ کر خوف زدہ ہوگئی تھیں البتہ انہوں نے اپنے کام پر دھیان دیا کیونکہ رُک جانے کی صورت میں آئندہ کے لیے مسائل پیدا ہوسکتے تھے۔

شرکا نہ صرف بلی کی آمد پر محضوض ہوئے بلکہ ہال میں قہقے بھی گونجے اور سب اس منظر سے بہت زیادہ محضوظ ہوئے۔

Comments

comments

یہ بھی پڑھیں