فیفا ورلڈ کپ کے سنسنی خیز مقابلے جاری ہیں اور اس سے جڑی خبریں سوشل میڈیا کی زینت بن رہی ہیں جسے مداحوں کی جانب سے بھی پسند کیا جارہا ہے۔
فٹبال شائقین کی اپنی پسندیدہ ٹیموں کے میچز دیکھنے کے لیے اسکرین سے چمٹے رہتے ہیں اور انہیں میچز کے شروع ہونے کا بے چینی سے انتظار ہوتا ہے۔
تاہم دوران پرواز شائقین میچ کس طرح دیکھ سکتے ہیں اب یہ بھی ممکن ہوگیا ہے کیونکہ اتحاد ایئرویز کی جانب سے ہوائی سفر کے دوران مچیز کو براہ راست دیکھنے کا انتظام کیا گیا۔
سوشل میڈیا پر ایک ویڈیو وائرل ہورہی ہے جس میں دیکھا جاسکتا ہے کہ فیفا ورلڈ کپ کی پرواز میں موجود تمام مسافر میچ دیکھنے میں مصروف ہیں۔
ویڈیو سوشل میڈیا پر تیزی سے وائرل ہورہی ہے اور اب تک اسے ہزاروں صارفین دیکھ چکے ہیں۔
علاوہ ازیں اتحاد ایئرویز کے علاوہ دیگر ایئرلائنز بھی ورلڈ کپ کے میچز کو دوران پرواز براہ راست نشر کررہی ہیں تاکہ شائقین میچ اپنی پسندیدہ ٹیموں کے میچز دیکھ سکیں۔
یاد رہے کہ گزشتہ روز کھیلے گئے میچز میں امریکا نے ایران کو 1-0 سے شکست دی تھی جبکہ انگلینڈ نے ویلز کو باآسانی 3-0 سے زیر کیا تھا۔
