فیفا ورلڈ کپ میں اپ سیٹ کا سلسلہ جاری ہے جس کی وجہ سے میگا ایونٹ میں شائقین کی دلچسپی اور بھی بڑھ گئی ہے۔
فٹبال ورلڈ کپ سے جڑی مختلف ویڈیوز سوشل میڈیا پر وائرل ہورہی ہیں جسے صارفین کی جانب سے پسند کیا جارہا ہے، ان ویڈیوز اور تصاویر پر مداح پسندیدہ فٹبالرز کی کارکردگی سے متعلق اپنی رائے کا اظہار بھی کرتے ہیں۔
گزشتہ دنوں سعودی عرب کے ہاتھوں ارجنٹائن کی اپ سیٹ شکست پر فٹبالر لائنل میسی سے متعلق میمز سوشل میڈیا پر وائرل ہوگئی تھیں۔
ایسی ہی ایک ویڈیو سوشل میڈیا پر وائرل ہورہی ہے جسے مداحوں کی جانب سے پسند کیا جارہا ہے۔
وائرل ویڈیو میں دیکھا جاسکتا ہے کہ کینیڈا اور بیلجیم کا میچ جاری ہے، ’کینیڈین فٹبالر سیم اڈیکوبے‘ کی والدہ گھر میں میچ دیکھ رہی ہیں، جب انہوں نے اسکرین پر بیٹے کو دیکھا تو وہ خوشی سے نہال ہوگئیں۔
سیم کی والدہ کو یہ کہتے سنا جاسکتا ہے کہ ’میرا بیٹا فیفا ورلڈ کپ کھیل رہا ہے۔‘
View this post on Instagram
واضح رہے کہ گروپ ایف کے میچ میں بیلجیم نے کینیڈا کو 1-0 سے شکست دی تھی۔گزشتہ روز کھیلے جانے والے میچز میں سوئٹزرلینڈ نے کیمرون کو 1-0 سے شکست دی جبکہ پرتگال نے گھانا کو 3-2 سے قابو کیا، سوئٹزرلینڈ نے کیمرون کے خلاف 1-0 سے فتح حاصل کی، گروپ ایچ میں جنوبی کوریا اور یوروگوئے کا میچ بغیر کسی گول کے برابر رہا۔
