The news is by your side.

Advertisement

ہوا میں‌ معلق گھوڑا، دیکھنے والے حیران.. ویڈیو انٹرنیٹ پر پھیل گئی

امریکی ریاست کیلی فورنیا کے شہر  سان جوآن کیپسٹرانو میں ریس میں دوڑنے والا گھوڑا ہوا میں معلق نظر آیا۔

ہر جاندار کی زندگی بہت قیمتی ہوتی ہے جس کو بچانے کے لیے عام شہری اور متعلقہ اادارے اپنے طور پر کاوش کرتے ہیں، ریاست فلوریڈا کے محکمہ فائر بریگیڈ کے عملے نے اسی طرح حاضر دماغی کا مظاہرہ کر کے ایک گھوڑے کی جان بچا لی۔

دراصل یہی گھوڑا ہوا میں معلق نظر آیا تھا کیونکہ اسے ریسکیو کرنے کے بعد ہیلی کاپٹر کے ذریعے اسپتال منتقل کیا گیا تھا۔

اورنج کاؤنٹی کے محکمہ فائر بریگیڈ نے اس حوالے سے ایک ویڈیو اور واقعے کی مکمل تفصیل جاری کی۔ جس میں بتایا گیا ہے کہ انہیں ہیلپ لائن پر ایک گھوڑے کے کنکریٹ میں بری طرح پھنسنے کی اطلاعات موصول ہوئیں، جس کے بعد ٹیم کو وقوعہ کی طرف روانہ کیا گیا۔

فائر فائٹرز نے وہاں پہنچ کر گھوڑے کو اطراف کی زمین کھود کر باہر تو نکال لیا مگر زخموں کی وجہ سے وہ اپنے پیروں‌ پر چلنے یا حرکت کرنے کے قابل نہیں‌ تھا۔

فائربریگیڈ حکام نے  ٹیکنیکل ریسکیو ٹیم، ایئر آپریشنز اور ریسکیو کرنے والے رضاکاروں کی مدد سے گھوڑے کو ہیلی کاپٹر کے ذریعے اسپتال منتقل کیا۔

ترجمان فائر بریگیڈ کے مطابق گھوڑا کنکریٹ کی زمین میں دھنس گیا تھا، جس کی وجہ سے اُن کا دھڑ اور ٹانگیں بری طرح سے زخمی ہوئیں۔ حکام نے اس ریسکیو آپریشن کو مشکل ترین قرار دیا ہے۔

Comments

یہ بھی پڑھیں