The news is by your side.

پاک آسٹریلیا پہلا ون ڈے، رن آؤٹ کون ہوا؟ ویڈیو وائرل

آسٹریلوی ویمنز ٹیم نے ڈک ورتھ لوئس میتھڈ کے تحت پاکستان ویمنز کو پہلے ون ڈے میچ میں 8 وکٹوں سے شکست دے دی۔

آسٹریلیا نے 158 رنز کا ہدف 28 اعشاریہ 5 اوووز میں 2 وکٹ کے نقصان پر حاصل کر لیا۔ برسبین میں کھیلے گئے پہلے ون ڈے میچ میں پاکستان ویمن نے مقررہ 40 اوورز میں 8 وکٹ پر 160 رنز بنائے تھے۔

پاکستان کی جانب سے ندا ڈار 59 اور کپتان بسمہ معروف 28 رنز کی ذمہ دارانہ اننگز کھیلی، پاکستان کی جانب سے فاطمہ ثںا اور ڈائنا بیگ نے ایک، ایک وکٹ حاصل کی۔

آسٹریلیا کی طرف سے ڈارسی براؤن اور جوناسین نے 2، 2 کھلاڑیوں کو آؤٹ کیا۔

تاہم سوشل میڈیا پر ندا ڈار اور کائنات امتیاز کے رن آؤٹ کی ایک ویڈیو وائرل ہورہی ہے جس میں دیکھا جاسکتا ہے کہ دونوں کھلاڑی نان اسٹرائیکر اینڈ پر ساتھ ہی پہنچ گئیں۔

30.2 اوورز میں کائنات امتیاز 2 اور ندا ڈار 37 رنز کے ساتھ بیٹنگ کررہی تھیں۔

ندا ڈار نے نان اسٹرائیکر پر پہنچ کر کریز پر پیر رکھ دیا لیکن کائنات امتیاز لاعلم رہیں وہ رن آؤٹ ہوکر پویلین لوٹ گئیں۔

Comments

یہ بھی پڑھیں