The news is by your side.

Advertisement

خونخوار شارک نے کشتی الٹ ڈالی، مچھیرے کو کھینچ لیا، دل دہلا دینے والی ویڈیو

ڈبلن: آئرلینڈ کے سمندر میں طاقتور شارک نے مچھیرے کو کشتی سمیت پانی میں الٹ دیا، اس خطرناک حادثے میں شہری کو جانی نہیں بلکہ مالی نقصان کا سامنا کرنا پڑا ہے۔

غیرملکی خبررساں ادارے کی رپورٹ کے مطابق 43 سالہ گراہم اسمتھ نامی مچھیرے کے لیے شکار اس وقت مہنگا ثابت ہوا کہ جب کانٹے میں خونخوار شارک پھنس گئی، مچھلی نے شہری سمیت کشتی کو بھی پانی میں پلٹ دیا، واقعے میں مچھیرے کا قیمتی موبائل، کیمرہ اور دیگر آلات کھو گئے۔

رپورٹ کے مطابق شارک تقریباً 20 منٹ تک کانٹے میں پھنسی تھی اس دوران گراہم پوری کوشش کررہے تھے کہ کسی بھی طرح قابو کرکے اسے پانی کی سطح پر لایا جاسکے، لیکن ان کی کاوشیں رنگ نہ لاسکیں۔

شارک نے طاقت کا مظاہرہ اس انداز سے کیا کہ مچھیرا فشنگ راڈ سمیت پانی میں گرگیا اور کشتی بھی الٹ گئی۔ وائرل ویڈیو کے ابتدا میں دیکھا جاسکتا ہے کہ شارک کانٹے میں پھنسی چھوٹی مچھلی کا تعاقب کررہی ہے اور یہ وہی مچھلی تھی جسے منہ میں لیتے ہی شارک کانٹے کے حصار میں پھنس گئی تھی۔

گراہم اسمتھ کا کہنا تھا کہ میں سالوں سے مچھلیوں کا شکار کررہا ہوں لیکن یہ شارک کافی خطرناک ثابت ہوئی۔

Comments

یہ بھی پڑھیں