کوہ پیمائی ایک نہایت مشکل اور جانبازی کا کھیل ہے جسے نہایت باحوصلہ افراد ہی انجام دے سکتے ہیں یا پھر وہ سرپھرے جو کچھ بھی کر گزرنے کی ٹھان لیتے ہیں۔
لیکن کوہ پیمائی کا ایک کھیل ایسا بھی ہے جسے عام طور پر موت کا سامنا کرنا کہا جاتا ہے۔
فری سولو کلائمبنگ نامی اس کھیل میں پہاڑی چٹانوں اور چوٹیوں پر چڑھنے کے لیے رسیوں اور دیگر آلات کوہ پیمائی کے بغیر صرف ہاتھ پاؤں کا استعمال کیا جاتا ہے۔
مزید پڑھیں: فلک بوس پہاڑوں کے درمیان رسی پر چلنے والے مہم جو
حتیٰ کہ اگر کوہ پیمائی کے دوران کوہ پیما کا ہاتھ پھسل جائے، یا توازن بگڑ جائے تو صرف موت ہی اس کا مقدر بنتی ہے کیونکہ ہزاروں فٹ نیچے زمین پر گرنے سے بچانے کے لیے اس کے پاس کوئی حفاظتی سامان نہیں ہوتا۔
آپ بھی اس فری سولو کلائمبنگ کا مظاہرہ دل تھام کر دیکھیں۔
ویڈیو میں موجود کوہ پیما ایلکس اونلڈ ہے جو چٹانوں پر تیز رفتاری سے چڑھنے کے متعدد ریکارڈز قائم کر چکے ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
