پاکستان کے اسٹار فاسٹ بولر وہاب ریاض ‘چنے والے چاچا’ بن گئے۔
تیز رفتار باؤنسرز سے بلے بازوں کے لیے خوف کی علامت اور سچی کھری باتیں کر کے ناقدین کی بولتی بند کروانے والے وہاب ریاض کی خوشگوار موڈ کی ویڈیو سامنے آ گئی۔
فاسٹ بولر نے ٹوئٹر پر ایک دلچسپ ویڈیو شیئر کی ہے جس میں وہ چنے بیچ کر بچن کی یاد تازہ کر رہے ہیں۔
مختصر ویڈیو میں دیکھا جا سکتا ہے کہ وہاب ریاض سڑک کنارے ریڑھی پر چنے بیچ رہے ہیں اور ساتھ ہی عبارت میں لکھا کہ’آپ کا چنے والا چاچا’۔۔ اپنے آرڈرز بھیجیں کیا بناؤں اور کتنے کا بناؤں؟
Your "Chano wala Cha-cha" of the day!
Send your orders "kia banaon aur kitnay ka banaun"? 🤣P.S.
Loved spending some time around this special handcart reminded me of my childhood days. pic.twitter.com/gbfP2EJJso— Wahab Riaz (@WahabViki) January 10, 2022
مسکراتے ہوئے وہاب ریاض نے لکھا کہ اس طرح کا تھوڑا وقت گزارنے سے بچپن کی یاد تازہ ہو گئی۔
وہاب ریاض کے خوشگوار لمحات کی ویڈیو کے سوشل میڈیا پر چرچے ہو رہے ہیں اور صارفین اپنے اپنے انداز میں ردعمل کا اظہار کر رہے ہیں۔