ڈبلیو ڈبلیو ای اسٹار اسٹیفنی میک مہون کا بھارتی گانے پر رقص، ویڈیو وائرل
The news is by your side.

Advertisement

ڈبلیو ڈبلیو ای اسٹار اسٹیفنی میک مہون کا بھارتی گانے پر رقص، ویڈیو وائرل

ممبئی: ڈبلیو ڈبلیو ای اسٹار اسٹیفنی میک مہون نے بھارتی گانے پر رقص کیا جس کی ویڈیو سوشل میڈیا پر وائرل ہوگئی۔

بھارتی میڈیا کے مطابق ڈبلیو ڈبلیو ای ریسلر ٹرپل ایچ کی اہلیہ اسٹیفنی میک مہون ان دنوں بھارت میں موجود ہیں جہاں انہوں نے بھارتی گانے پر رقص کیا جس کی ویڈیو سوشل میڈیا پر مقبول ہوگئی۔

اسٹیفنی میک مہون 2.15 منٹ کی ویڈیو میں بھارت کی مقبول فلم ’عشق‘ کے گانے ’ہم کو تم سے پیار ہے، جیا بے قرار ہے‘ پر رقص کرتی ہوئی دکھائی دے رہی ہیں۔

ڈبلیو ڈبلیو ای کی چیف برانڈ آفیسر اسٹیفنی کی گانے پر رقص کی ویڈیو کو سوشل میڈیا پر اب تک 2 ہزار سے زیادہ مداح دیکھ چکے ہیں اور مداحوں کی جانب سے ویڈیو کو پسند بھی کیا جارہا ہے۔

ڈبلیو ڈبلیو ای کا انعقاد ایک بار پھر بھارت میں کیا جارہا ہے، رواں سال مارچ میں ڈبلیو ڈبلیو ای کے مقابلے بھارت میں منعقد ہوں گے۔ جس کے سبب مداحوں میں جوش و خروش بڑھ گیا ہے۔

واضح رہے کہ ڈبلیو ڈبلیو ای میں بھارت کی جانب سے دو ریسلر حصہ لیتے ہیں جن میں جندر مہل اور دی گریٹ خلی شامل ہیں۔

یہ پڑھیں: رشتے میں تو ہم تمہارے باپ لگتے ہیں پرنام ہے ٹرپل ایچ

یاد رہے کہ دو سال قبل ڈبلیو ڈبلیو ای کے معروف ریسلر ٹرپل ایچ نے امیتابھ بچن کا مشہور فلمی ڈائیلاگ ’رشتے میں تو ہم تمہارے باپ لگتے ہیں پر نام ہے شہنشاہ‘ بول کر سب کو حیران کردیا تھا۔

انٹرویو کے دوران میزبان خاتون نے ٹرپل ایچ سے فرمائش کی تھی کہ وہ ہندی فلم کا کوئی ڈائیلاگ بول کر دکھائیں، اینکر کا سوال سن کر ٹرپل ایچ مسکرائے اور پھر اگلے ہی لمحے اپنے مخصوص انداز میں امیتابھ کی فلم شہنشاہ کا ڈائیلاگ بول کر سب کو حیران کردیا تھا۔

Comments

comments

یہ بھی پڑھیں