جمعہ, فروری 14, 2025
اشتہار

واٹر بورڈ کے افسران پانی چور مافیا کے خلاف مدعی بننے پر راضی

اشتہار

حیرت انگیز

کراچی: شہر قائد میں عوام کا پانی چوری کرنے والے مافیا کے خلاف مقدمات میں آخر کار واٹر بورڈ کے افسران مدعی بننے پر راضی ہو گئے ہیں۔

تفصیلات کے مطابق آج ڈی آئی جی ویسٹ ناصر آفتاب سے واٹر بورڈ کے چیف سیکیورٹی آفیسر کی میٹنگ میں پولیس اور واٹر بورڈ نے پانی کی چوری روکنے کے لیے مشترکہ آپریشن کا فیصلہ کر لیا ہے۔

میٹنگ میں فیصلہ کیا گیا کہ پانی کی چوری میں ملوث افراد کو گرفتار کر کے ان کے خلاف مقدمات درج کیے جائیں گے، اور ان مقدمات میں مدعی واٹر بورڈ کے افسران بنیں گے۔

ڈی آئی جی ویسٹ کا کہنا تھا کہ پانی کی چوری میں ملوث افراد کی گرفتاری کے بعد واٹر بورڈ کے افسران ان کے خلاف مدعی نہیں بنتے تھے، جس کی وجہ سے پانی چور مافیا کو فائدہ ہوتا تھا۔

ڈی آئی جی ویسٹ کے مطابق پانی چور مافیا کے خلاف گلبہار، سائٹ ایریا، پاک کالونی، منگھوپیر سمیت ویسٹ زون میں آپریشن کیا جائے گا۔

ڈی آئی جی نے کہا کہ واٹر بورڈ کالونی کی زمین پر قبضہ خالی کرانے کے لیے بھی پولیس انھیں پروٹیکشن دے گی۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں