تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

پانی کنکشن کیلئے کھدائی: دو سگے بھائی جان کی بازی ہار گئے

کراچی : نارتھ ناظم آباد میں کھدائی کے دوران مٹی کا تودا گرنے سے دو افراد ہلاک ہوگئے، متوفیان آپس میں سگے بھائی تھے۔

کراچی کے علاقے نارتھ ناظم آباد میں پانی کے کنکشن کیلئے کھدائی کرنے والے دو افراد مٹی کا تودا گرنے سے موقع پر ہی ہلاک ہوگئے۔

اس حوالے سے ذرائع کا کہنا ہے کہ موقع پرموجود افراد نے فوری طور پر ملبے کو ہٹا کر ان کو نکالنے کی کوشش کی، تاہم ان کو بچانے میں ناکام رہے۔

پولیس حکام کے مطابق ملبے سے ایک شخص کی نعش نکال لی گئی جبکہ دوسرے نے بے ہوشی کے عالم میں اسپتال جاتے ہوئے راستے میں ہی دم توڑ دیا۔

پولیس کا کہنا ہے کہ دونوں بد قسمت بھائی اور ناظم آباد کے رہائشی تھے، جن کی شناخت مزمل اور سفیان کے نام سے ہوئی ہے، قانونی کارروائی کے بعد لاشیں ورثاء کے حوالے کردی گئیں۔

پولیس حکام نے مزید تفصیلات بتاتے ہوئے کہا کہ بلاک ایس بلال مسجد کے قریب پانی کی پائپ لائن کا کام جاری تھا، دونوں بھائیوں کو محلے میں نئے کنکشن کی غرض سے کسی نے بلوایا تھا۔

22سالہ صفیان اور27سالہ مزمل سگے بھائی اور پلمبر کا کام کرتے تھے جو مرمت کی غرض سے7سے8فٹ گہری پائپ لائن میں اترے۔

دونوں بھائیوں کی ہلاکت پائپ لائن میں پانی کے کنکشن کے دوران اچانک ملبہ گرنے کے بعد دم گھٹنے سے ہوئی، مزید تحقیقات کی جارہی ہیں۔

Comments

- Advertisement -