The news is by your side.

Advertisement

آبی آلودگی سے عوام کی صحت اور معیشت پر منفی اثرات پڑ رہے ہیں، وزیراعظم

اسلام آباد: وزیراعظم عمران خان کا کہنا ہے کہ آبی آلودگی سے عوام کی صحت اور معیشت پر منفی اثرات پڑ رہے ہیں۔

تفصیلات کے مطابق وفاقی دارالحکومت اسلام آباد میں وزیر اعظم عمران خان کی زیر صدارت اجلاس ہوا جس میں دریاؤں اور نہروں میں آبی آلودگی کی روک تھام کا جائزہ لیا گیا۔ اجلاس میں وزیراعظم عمران خان کو ورلڈ بینک کی رپورٹ پیش کی گئی۔

اجلاس میں بریفنگ کے دوران بتایا گیا کہ 40 فیصد اموات پانی کی آلودگی کی وجہ سے ہو رہی ہیں، آلودگی سے آبی حیات بھی بری طرح متاثر ہو رہی ہے۔

وزیراعظم کو خیبرپختونخوا اور پنجاب کے چیف سیکرٹریز نے بھی بریفنگ دی، سیوریج سے پھیلنے والی آبی آلودگی کی روک تھام کے لیے تجاویز سے آگاہ کیا۔اجلاس میں بتایا گیا کہ پنجاب میں ماحولیاتی آلودگی کی روک تھام کے لیے 36 منصوبے زیر غور ہیں،ایشین ڈویلپمنٹ بینک، ورلڈ بینک اور دیگر اداروں کی معاونت حاصل ہے۔

اس موقع پر وزیراعظم عمران خان کا کہنا تھا کہ آبی آلودگی ایک نہایت سنجیدہ معاملہ ہے، عوام کی صحت اور معیشت پر منفی اثرات پڑ رہے ہیں، اہم نوعیت کےمسئلے پر فوری توجہ دینے کی ضرورت ہے۔

وزیراعظم نے آبی آلودگی کی روک تھام کے لیے صوبوں سے مشاورت کی ہدایت کرتے ہوئے کہا کہ مشیر ماحولیات صوبوں سے مل کر جامع حکمت عملی بنائیں، ٹائم لائنز پر مبنی روڈ میپ آئندہ 15 دنوں میں مرتب کیا جائے۔

fb-share-icon0
Tweet 20

Comments

comments

یہ بھی پڑھیں