The news is by your side.

Advertisement

کراچی میں پانی کی قلت : وزیراعظم عمران خان نے منصوبے کی منظوری دے دی

اسلام آباد : وزیراعظم عمران خان نے اندرون سندھ اور کراچی میں پانی کے مسائل کے حل کیلئے منصوبے کی منظوری دے دی، منصوبے کا باضابطہ اعلان وزیر آبی وسائل فیصل واوڈا کی جانب سے جلد کیا جائے گا۔

تفصیلات کے مطابق وزیراعظم عمران خان کی زیر صدارت آبی ذخائر اور پانی کی قلت سے متعلق مسائل کے حوالے سے اجلاس منعقد کیا گیا۔

وفاقی وزیر آبی وسائل فیصل واوڈا، سیکریٹری آبی وسائل محمد اشرف، چیئرمین واپڈا مزمل حسین سمیت دیگر سینئر افسران نے اجلاس میں شرکت کی۔

اس موقع پر فیصل واوڈا کی جانب سے وزیراعظم کو آبی ذخائر اور سندھ و کراچی میں پانی کے مسائل پر بریفنگ دی گئی، اس کے علاوہ چیئرمین واپڈا نے سندھ میں مجوزہ منصوبے کے بارے میں بھی شرکاء کو آگاہ کیا۔

وزیر اعظم نے وزیر آبی وسائل فیصل واوڈا اور چیئرمین واپڈا کی پانی کی کمی کو دور کرنے سے متعلق کاوشوں کو سراہا۔

اجلاس میں وزیراعظم عمران خان نے اندرون سندھ اور کراچی میں پانی کے مسائل کے حل کیلئے منصوبے کی منظوری دی۔

وزیر آبی وسائل نے اپنی بریفنگ میں کہا کہ مذکورہ منصوبہ پاکستان خصوصاً سندھ کےعوام کی تقدیر بدل دے گا، اس حوالے سے ذرائع کا کہنا ہے کہ منصوبے کا باضابطہ اعلان وزیر آبی وسائل کی جانب سےجلد کیا جائے گا۔

Comments

comments

یہ بھی پڑھیں