The news is by your side.

Advertisement

شادی ہال کے واٹرٹینک سے چھ سالہ بچی کی لاش برآمد

کراچی : اورنگی ٹاوٴن میں پانچ روز قبل لاپتہ ہونے والی بچی کی لاش شادی ہال کے پانی ٹینک سے مل گئی، مشتعل لواحقین نے احتجاج ہال میں توڑ پھوڑ کی، پولیس اور رینجرز کی اضافی نفری کو طلب کرلیا گیا۔

پولیس کے مطابق پچیس تاریخ کو اورنگی ٹاؤن آٹھ نمبر کے علاقے سے شادی ہال سے چھ سالہ پاکیزہ لاپتہ ہوئی تھی جس کی اطلاع اورنگی ٹاون تھانے میں دی گئی ۔

 اہل خانہ کا کہنا ہے کہ آج اس بچی کی لاش اسی شادی ہال کے پانی کے ٹینک سے ملی ہے جس کو پوسٹ مارٹم کیلئے عباسی شہید اسپتال منتقل کردیا گیا ہے۔

واقعہ کیخلاف بچی کے اہل خانہ نے شادی ہال کے باپر شدید احتجاج کیا اور ہال میں توڑ پھوڑ کرکے آگ لگانے کی کوشش کی جس کے بعد پولیس اور رینجرز کی اضافی نفری کو ہال کے اطراف میں تعینات کردیا گیا ہے۔

پولیس کا کہنا ہے کہ واقعے کی تحقیقات کر رہے ہیں اور ہال انتظامیہ کے آٹھ افراد کو حراست میں لے لیا گیا ہے۔

Comments

comments

یہ بھی پڑھیں