ایڈنبرگ : اسکاٹ لینڈ میں آبشار اُلٹی بہنے لگی، منظر دیکھنے والوں نے اس قدرت کی شان کو اپنے کیمروں میں محفوظ کرلیا، سوشل میڈیا پر لوگوں نے حیرانی و تعجب کا اظہار کیا۔
قدرت کے حسین نظارے تو سب نے دیکھے ہی ہوں گے لیکن ایسا حیران کن اور عجیب نظارہ صرف وہ ہی دیکھ سکے جو اسکاٹ لینڈ کے سیاحتی مقام کے پاس موجود تھے۔
اسکاٹ لینڈ میں تیز رفتار ہوائیں پانی کے بہاؤ میں رکاوٹ بن گئیں، اسکاٹ لینڈ میں 90میل فی گھنٹہ کی رفتار سے چلنے والی طوفانی ہواؤں نے آبشار کو اُلٹا بہنے پر مجبور کر دیا۔
This waterfall started flowing UPSIDE DOWN during a massive storm 😱 pic.twitter.com/QcP3OXjoBe
— NowThis (@nowthisnews) February 11, 2020
یہ دلکش نظارہ اسکاٹ لینڈ میں دیکھنے کو ملا جب طوفانی موسم پہاڑو ں سے بہنے والی آبشار کے راستے کی رکاوٹ بن گیا اور طوفانی ہواؤں سے پانی اوپر کی جانب اڑنے لگا، یہ دلکش مناظر لوگوں نے اپنے موبائل کیمروں میں قید کرلئے۔
ہوا کی شدت اور رفتار اس قدر تیز تھی کہ اس نے آبشار کے پانی کو اچھال کر پیچھے پھینکنا شروع کردیا جس سے یوں لگنے لگا کہ آبشار الٹی بہہ رہی ہے، سوشل میڈیا پر ویڈیو دیکھنے کے بعد لوگوں نے قدرت کے حسین منظر پر حیرانی و تعجب کا اظہار کیا۔
مزید پڑھیں : برطانیہ میں صدی کے سب سے بڑے طوفان نے تباہی مچا دی
اس عشرے کے سب سے بڑے طوفان کیارہ نے برطانیہ میں بڑے پیمانے پر تباہی مچا دی ہے، شمالی برطانیہ میں 92 میل فی گھنٹہ کی رفتار سے ہوائیں چلتی رہیں، یارکشائر کے مضافاتی علاقے زیر آب آ گئے، پانی لوگوں کے گھروں اور دکانوں میں داخل ہو گیا۔