سڈنی : آسٹریلیا میں دو آبشاروں کا پانی نیچے کی طرف بہنے کے بجائے اوپر کی جانب دکھائی دیتا ہے، سوشل میڈیا پر ویڈیو وائرل ہوگئی لوگوں نے خوشگوار حیرت کا اظہار کیا۔
تفصیلات کے مطابق سڈنی کے ساحل پر اس وقت حیرت انگیز منظر دکھائی دیا جب ساحل سے ٹکرانے والی تیز ہواؤں اور تیز بارش نے پہاڑ سے نکلنے والے آبشار کے پانی کا رخ ہی تبدیل کردیا۔
دیکھنے والوں نے یہ منظر اپنے موبائل کیمرے میں محفوظ کرلیا، اور سوشل میڈیا پر وائرل ہونے والے اس کلپ میں دیکھا جاسکتا ہے کہ پانی کا رخ کس طرح نیچے جانے کے بجائے اوپر کی جانب ہوگیا۔
Exceptional video of the vortex forming along the cliff of Beinisvørð – a 470 m high sea cliff, the highest sea cliff in Suðuroy, the Faroe Islands on Jan 6th, 2020. We thank Helen Wang for the report, the video was recorded by her brother Samy Jacobsen – posted with permission. pic.twitter.com/FMALjZpvSt
— severe-weather.EU (@severeweatherEU) January 8, 2020
یہ حیرت انگیز لمحات گذشتہ روز سڈنی کے رائل نیشنل پارک میں ایک پہاڑ پر اس وقت محفوظ کیے گئے جب ہوا کی رفتار 70 کلو میٹر فی گھنٹہ تک پہنچ گئی تھی جبکہ فضائی منظر میں بھی ایک خوبصورت قوس قزح دکھائی دے رہی ہے۔
غیر ملکی خبررساں ادارے کے مطابق مقامی محکمہ موسمیات نے بھی سڈنی اور اس کے ساحلی علاقوں کوسٹ، ہنٹر اور الاوررا کوتیزہواؤں کے نقصانات سے بچانے کے لئے موسمی انتباہ جاری کیا گیا۔
اس سے قبل راوں سال جنوری میں ایک نایاب سمندری بھنور کو ڈنمارک کے فیرو آئی لینڈز میں دیکھا گیا تھا جس میں دیکھا جاسکتا تھا۔ کہ پانی کا رخ اوپر کی جانب تھا۔ اس ویڈیو کو 41 سالہ سامی جیکبسن نے جزیرے پر پہاڑوں کے ساتھ ساتھ چلتے ہوئے ریکارڈ کیا تھا ، جب اس نے لہروں سے اٹھنے والے پانی کے بھنور کو دیکھا۔
