کراچی: گرمیوں کا موسم شروع ہوتے ہی ہر طرف تربوز کی بہار نظر آتی ہے، یہ ایک ایسا پھل ہے جو نہ صرف گرمی کی شدت کو کم کرتا ہے بلکہ گردے کی پتھری، بیماری اور موٹاپے جیسی بیماریوں سے بھی نجات دلاتا ہے۔
تربوز بیش بہا فوائد کا حامل پھل ہے جسے اگر اللہ تعالیٰ کا انسان کے لیے گرمی کا خصوصی تحفہ کہا جائے تو غلط نہ ہوگا، طبی ماہر کہتے ہیں کہ اس پھل کے استعمال سے بہت ساری بیماریوں پر قابو پایا جاسکتا ہے۔
اے آر وائی کے پروگرام دی مارننگ شو میں گفتگو کرتے ہوئے ڈاکٹر بلقیس کا کہنا تھا کہ ’تربوز اللہ تعالیٰ کا خاص تحفہ ہے جس کے اندر بہت سے بیماریوں کے علاج چھپے ہیں، جیسے کہ گرمیوں کا آغاز ہوتے ہی ایک بیماری ’یو آئی ٹی‘ زور پکڑ لیتی ہے جس کو دور بھگانے میں یہ معاون ثابت ہوسکتا ہے اس کے علاوہ گردے کی پتھری وغیرہ جیسی بیماریوں پر اس پھل کی مدد سے قابو پایا جاسکتا ہے۔
مزید پڑھیں: تربوزگرمی کی شدت سے لڑنے کا قدرتی ہتھیار ہے
اُن کا کہنا تھا کہ اس پھل کی خاصیت یہ ہے کہ اس کو شوگر کے مریض نہیں کہا سکتے البتہ اس کے چھلکے سے بنا ہوا سالن ذیابیطس کے مریض آسانی سے کھا سکتے ہیں۔
تربوز کے فوائد اور بیماریوں کا اعلاج بتاتے ہوئے اُن کا کہنا تھا کہ جن لوگوں کے گردوں میں بار بار پتھری کی شکایت ہوجاتی ہے یا جنہیں یورین کرنے میں مشکلات ہوتی ہیں وہ اس پھل کا استعمال کریں علاوہ ازیں یہ چہرے اور بالوں کی خوبصورتی کے لیے بھی استعمال کیا جاسکتا ہے۔
یہ بھی پڑھیں: گرمیوں کی سوغات تربوز سے بنی منفرد ڈشز
اُن کا کہنا تھا کہ تربوز کا گودا، چھلکے تو فائدے مند ہیں تاہم اس کے چھلکے کے درمیان ہلکے زرد رنگ کی پرت کو اگر سکھا کر رکھ لیں اور پھر اسے چہرے اور بالوں پر لگائیں تو خوبصورتی میں اضافہ ہوتا ہے۔
اجزا
تربوز کے چھلکے
خربوزے کے چھلکے
تربوز کے بیچ
بھٹے کے بال
کلتی کی دال
جڑی بوٹی سرپھوکا
طریقہ مشروب
تربوز اور خربوزے کے چھلکے کو فرائی پان میں ڈالیں ، پھر اس میں بھٹے کے بال اور کلتی کی دال، جڑی بوٹی سرپھوکا ملائیں اور تقریباً ڈیڑھ لیٹر پانی ڈال کر پکنے کے لیے چولہے پر چھوڑ دیں، جب یہ پک پک کر آدھا لیٹر رہ جائے تو اسے اتار کر بوتل میں بھر لیں۔
ویڈیو دیکھیں
طریقہ استعمال
دوسرے روزسے آدھا لیٹر پانی کو تین حصوں میں تقسیم کر کے صبح ، دوپہر ، شام استعمال کریں، تین دن کے بعد خود کو واضح فرق محسوس ہوگا، موٹاپے میں فرق آئے گا، گردے کی طرف ہونے والا کھچاؤ بھی ختم ہوگا علاوہ ازیں یورین بھی کھل کر ہوگا۔
نوٹ: شوگر کی بیماری میں مبتلا افراد اپنے ڈاکٹر سے مشورے کے بعد تربوز کا استعمال کریں۔
