site
stats
سندھ

خاتون کو واٹس ایپ کے ذریعے بلیک میل کرنے والا گرفتار

ban whats app

کراچی: واٹس ایپ کے ذریعے خاتون کو بلیک میل کرنے والے ملزم کو گرفتار کرکے مقدمہ درج کرلیا گیا۔

اے آر وائی نیوز کے نمائندے سلمان لودھی کے مطابق ملزم سلیم متاثرہ خاتون اور اس کے اہل خانہ کو واٹس ایپ پر بلیک میل کرنے کی کوشش کرتا تھا اور نمبر بدل بدل کر واٹس ایپ پر بلیک میلنگ کی دھمکیاں دیتا تھا اور بدلے میں رقم کا تقاضا کرتا تھا۔

شکایت ملنے پر ایف آئی اے کے سائبر کرائمز سیل نے چھاپہ مار کارروائی کرتے ہوئے ملزم کو گرفتار کرکے مقدمہ درج کرلیا اورموبائل سے بلیک میلنگ کا مواد برآمد کرلیا۔

ایف آئی اے حکام کا کہنا ہے کہ ملزم خاتون اور اہل خانہ سے رقم کا تقاضا کررہا تھا، ملزم سے مزید تفتیش کا عمل جاری ہے ۔

واضح رہے کہ قومی اسمبلی کی جانب سے سائبر کرائم آرڈیننس ترمیم کے ساتھ دوسری بار منظور ہوچکا ہے جس کے تحت فحش، بلیک میلنگ، مذہبی منافرت یا فسادات پھیلانے والے ایس ایم ایس، ای امیل اور جدید ٹیکنالوجی کے حامل ذرائع پیغام رسانی کے غلط استعمال پر مقدمہ درج کرکے سزا دینے کا قانون منظور کیا جاچکا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top