بھارت میں کنوئیں میں پراسرار لہروں نے لوگوں کو حیران کردیا جس کی ویڈیو بھی سوشل میڈیا پر وائرل ہوگئی۔
بھارتی میڈیا رپورٹ کے مطابق ریاست گجرات کے ضلع موربی کے گاؤں ویرپارڈا میں پراسرار کنوئیں نے لوگوں کی توجہ حاصل کرلی جہاں پانی کسی ظاہری وجہ کے بغیر حرکت کرتا دکھائی دیا ہے۔
کنوئیں میں پانی کی غیرمعمولی لہریں جمعرات کی سہ پہر دوبارہ نمودار ہوئیں اس سے دو روز قبل بھی ایسا ہی دیکھنے میں آیا تھا تاہم کچھ دیر بعد یہ سلسلہ رک گیا تھا۔
پانی کی ان لہروں کو دیکھ کر بڑی تعداد میں لوگ جمع ہوگئے اور اس کی ویڈیو بھی سوشل میڈیا پر وائرل ہوگئیں، لوگوں کی جانب سے مختلف قیاس آرائیاں بھی کی جارہی ہیں۔
#WATCH | Morbi, Gujarat: An unusual incident has been reported in Virparda village, Morbi taluka, where a farm well has been showing wave-like movement. The District Collector has ordered a detailed report from the groundwater research team.
Collector Swapnil Khare says, "…… pic.twitter.com/hnFamPfBoW
— ANI (@ANI) August 7, 2026
بعض مقامی افراد کا خیال ہے کہ موربی زلزلہ خیز علاقے میں واقع ہے، اس لیے ممکن ہے یہ زیر زمین ارضیاتی سرگرمیوں کا نتیجہ ہو۔
‘Wave well’ goes viral as rippling water puzzles people
تاہم ماہرین ارضیات نے جائے وقوعہ کا ابتدائی معائنہ کیا ہے جبکہ گجرات گراؤنڈ واٹر ریسرچ انسٹی ٹیوٹ کے ماہرین سے بھی کہا گیا ہے کہ وہ تفصیلی مطالعہ کرکے رپورٹ پیش کریں۔
ڈپٹی کمشنر کھرے نے میڈیا سے گفتگو کرتے ہوئے کہا کہ ابتدائی تشخیص سے پتہ چلتا ہے کہ پانی میں غیر معمولی حرکت ایئر ٹریپ کی وجہ سے ہوئی تھی۔
حکام صحیح وجہ کی تصدیق کرنے سے پہلے گجرات گراؤنڈ واٹر ریسرچ انسٹی ٹیوٹ سے تفصیلی نتائج کا انتظار کر رہے ہیں۔
