تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

وزن کم کرنے میں مددگار طریقے

وزن کم کرنے کے لیے طویل وقت، محنت اور مستقل مزاجی درکار ہے، کچھ طریقے ایسے ہیں جنہیں اپنا کر وزن میں کمی کی رفتار کو بڑھایا جاسکتا ہے۔

بین الاقوامی میگزین میں شائع شدہ مضمون میں وزن کم کرنے کے مؤثر طریقوں پر روشنی ڈالی گئی ہے۔

ماہرین کے مطابق اگر آپ اپنا وزن کم کرنے کا ارادہ رکھتے ہیں تو آپ کو دن میں کھانے پینے کی ہر چیز پر دھیان دینا ہوگا۔ کھانے سے پہلے دیکھیں کہ اس میں غذائی اجزا اور کیلوریز کی کتنی مقدار ہے۔

وزن پر قابو پانے کے لیے کچھ غذا، جسمانی سرگرمی اور وزن میں کمی کی ایپلی کیشنز ڈاؤن لوڈ کی جا سکتی ہیں۔ اس کے علاوہ مندرجہ ذیل طریقے اپنائے جاسکتے ہیں۔

آہستہ کھانا

آج کل ہر شخص زندگی میں بہت مصروف ہے، زیادہ تر لوگ اپنے فرائض کی انجام دہی کے دوران کھانا جلدی سے کھاتے ہیں۔ اس کے نتیجے میں بہت سے لوگ اس بات سے غافل رہتے ہیں کہ وہ کس قدر کھا چکے ہیں۔

اس بات پر توجہ مرکوز کرنے کے لیے کہ ہم کیا کھا رہے ہیں، اس سے لطف اندوز ہوں۔

خلفشار سے بچیں، ٹی وی، لیپ ٹاپ، یا فون کو دور رکھیں۔ آہستہ کھائیں، کھانا چبانے اور چکھنے کے لیے وقت نکالیں۔ غذائی اجزا سے بھرے کھانوں کا انتخاب گھنٹوں بھوک کو ختم کردے گا اور آپ کو پیٹ بھرنے کا احساس دلائے گا۔

ناشتے میں پروٹین کھائیں

پیٹ بھرنے اور بھوک کے احساس کو کم کرنے کے لیے پروٹین کھائیں یہ بھوک کے ہارمونز کو منظم کرتا ہے۔ پروٹین سے بھرپور ناشتے کے لیے اچھے انتخاب میں انڈے، جو، خشک میوہ جات، بیجوں کا رس، دلیہ اور چیا بیج کا حلوہ شامل ہیں۔

چینی اور کاربوہائیڈریٹ کی مقدار کو کم کریں۔ پروسیس شدہ اور شکر دار کھانوں کی جگہ صحت بخش کھانے کھائیں جو یہ ہیں، چاول، روٹی اور پاستا سارا اناج سے بنایا گیا۔ سفید چاول کی جگہ پھل، گری دار میوے اور بیج۔ چینی یا نمکین اشیا کی جگہ جڑی بوٹیوں کی چائے اور پانی استعمال کریں۔

اپنی غذا میں بہت سارے فائبر کو شامل کرنا وزن کم کرنے میں معاون ثابت ہوتا ہے، اناج، گندم کا پاستا، اناج کی روٹی، جو، پھل اور سبزیاں جیسے مٹر، پھلیاں، گری دار میوے اور بیج وغیرہ کا استعمال فائدہ مند ہے۔

آنتوں کے بیکٹیریا کو متوازن رکھنا

انسانی آنتوں میں بڑی تعداد میں مائیکرو جرمز ہوتے ہیں۔ کچھ کھانوں سے آنتوں میں فائدہ مند بیکٹیریاز کی تعداد میں اضافہ ہوسکتا ہے، ان میں پھل، سبزیاں اور اناج شامل ہیں جو کھانے میں 75 فیصد شامل ہونے چاہئیں۔

کچھ غذائیں اچھے بیکٹیریا کی افزائش اور سرگرمیوں کو بڑھاتی ہیں، جو وزن پر قابو پانے میں مدد دیتے ہیں۔ بہت سے پھلوں اور سبزیوں میں خاص طور پر ڈینڈیلیون جڑیں، آرٹچیکس، پیاز، لہسن، کیلے اور ایواکاڈو میں پائے جاتے ہیں۔

نیند پوری کریں

متعدد تحقیقات سے پتا چلتا ہے کہ ہر رات 5 سے 6 گھنٹے سے کم نیند موٹاپے کا باعث بنتی ہے، غیر آرام دہ نیند جسم کے نظام کو سست کرتی ہے۔ مزید برآں نیند کی کمی انسولین اور کولیسٹرول کے بڑھنے کا باعث بن سکتی ہے۔ اس سے چربی کا ذخیرہ ہوتا ہے۔

Comments

- Advertisement -